Aqtóbelikterdiń teń jartysynan astamy ǵana vaktsına saldyrdy
Aqtóbe oblysynda kúnine shamamen 3000-3500 adam vaktsına saldyrýy tıis. Osy kórsetkishke qol jetkizgende ǵana ujymdyq ımmýnıtet qalyptasady. Alaıda qazir kúnine 2 myńǵa jýyq adam ǵana emhanalarǵa baryp, vaktsına saldyryp jatyr.
«Aqtóbe oblysy boıynsha qazir 1200-den astam adam ınfektsııalyq statsıonarlarda em qabyldap jatyr. Onyń 111-i jansaqtaý bóliminde. Málimetterge súıensek, 9-y ókpeni jasandy jeldetý apparatyna qosyldy. Al 50-i ınvazıvti emes apparatqa tańylǵan. Infektsııalyq aýrýhanalardaǵy kereýet júktemesi 64,5% bolsa, jansaqtaý bóliminde 50% jetti», - dedi oblystyq densaýlyq saqtaý basqarmasynyń basshysy Rústem Isaev.
Aıta keteıik, oblys boıynsha 276 myńnan astam adam vaktsınanyń birinshi, al 217 myńy eki komponentin de qabyldaǵan.
«Jyl basynan beri 326 ólim tirkeldi. Onyń 256-y koronavırýs ınfektsııasynan, ózgesi pnevmonııadan kóz jumdy. Sońǵy eki aptada kún saıyn 3-6 adam qaıtys bolyp jatyr. Kóbine sozylmaly aýrýy bar jáne vaktsına saldyrmaǵandar vırýsty jeńe almaıdy. Bir eskere keterlik jaıt, reanımatsııadan jatqan naýqastardyń 99% vaktsına saldyrmaǵan», - dedi Rústem Isaev.
Qazir óńirde Spýtnık-V, QazVac,Vero Cell vaktsınalary bar.