Aqtóbelikterdiń salyqqa bereshegi 500 mln teńgege jýyqtaǵan

AQTÓBE. QazAqparat - Aqtóbe oblysy halqynyń salyqqa qaryzy 500 mln teńgege jýyqtady, dep habarlaıdy QazAqparat Habar 24 telearnasyna silteme jasap.

Jeke tulǵalardyń salyǵyna qosylǵan ósim 25 shildeden bastap shegerilýi tıis. Qazaqstan Prezıdentiniń jarlyǵyna sáıkes qaryzy bar azamattarǵa salyqtyq raqymshylyq jarııalanǵan bolatyn. Sáıkesinshe bul jeńildikter jer, múlik jáne avtokóliktiń memlekettik tólemderine qatysty.

Aıta ketý kerek, tek Aqtóbe oblysy boıynsha qaryz kólemi 500 mılıon teńgege jýyqtaǵan. Birinshi kezekte azamattar kólik salyǵyn elemeıtin kórinedi. Oblystyq memlekettik kirister departamentiniń aqparatyna sáıkes, 2019 jyldyń 1 qańtaryna deıin aqtóbelik avtojúrgizýshiler 221 mıllıon teńge qaryzdar. Onyń 64 mıllıony - der kezinde tólenbeýine sáıkes qalyptasqan ósim.

- 2019 jyldyń 1 qańtaryndaǵy jaǵdaı boıynsha, derbes shotta esepteletin ósimpul somalary esepten shyǵarylady. Sondaı-aq 2019 jylǵy 1 qańtarǵa deıingi salyq kezeńinde salyq mindetteri boıynsha týyndaǵan bereshek somaǵa eseptelgen ósimpul qaryz tólengen jaǵdaıda esepten shyǵarylady, - deıdi Aqtóbe oblystyq memlekettik kirister departamentiniń bólim basshysy Qalamqas Berdibaeva.