Aqtóbelikterdiń 45 mln teńgesin jymqyrǵandar Ýkraınadan tabyldy
Aqtóbe oblystyq Іshki ister departamenti Ýkraınadaǵy áriptesterimen birlese alaıaqtyq jolmen aqsha jymqyrǵan eki kúdiktini ustady. Onyń biri esepshi, ekinshisi kompanııa dırektory bolyp shyqty.
«Polıtsııa qyzmetkerleri ýkraınalyq áriptesterimen birge Dnepropetrovsk qalasynan kúdiktini ustady. Aqtóbedegi kompanııalardyń birinde esepshi bolyp jumys istegen kúdikti 2014 jyly 5 mıllıon teńgeni alyp ketken. Sonymen qatar, ol enesiniń 11,5 mıllıon teńgesin jymqyrdy. Jedel ýákil qyzmeti kúdiktiniń Ýkraınadaǵy týǵan-týystarynyń úıinde jasyrynǵanyn anyqtap, izdeý jumystaryn júrgizdi. Qazirgi ýaqytta kúdikti ýaqytsha tergeý ızolıatoryna qamaýǵa alyndy», - dep habarlady oblystyq ІІD baspasóz qyzmeti.
Aıta keteıik, Ýkraınaǵa barǵan Aqtóbe oblystyq ІІD-niń jedel ýákil toby Zaporoje qalasynda tyǵylyp júrgen kompanııa dırektoryn ustady. Ol 2013 jyly alaıaqtyq jolmen 29 mıllıon teńgeni alyp ketken. Qazirgi ýaqytta kúdiktilerdi ekstradıtsııalaý máselesi sheshilip jatyr.