Aqtóbelikter demalys jáne mereke kúnderi de vaktsına saldyra alady

AQTÓBE. QazAqparat – Aqtóbede demalys jáne mereke kúnderi emhanalarda egý bólmeleri jumys isteıdi. Turǵyndar kez kelgen ýaqytta vaktsına saldyra alady, dep habarlaıdy QazAqparat tlishisi.

Aqtóbe oblysy boıynsha búginge deıin barlyǵy 35 myńǵa jýyq adamnan koronavırýs ınfektsııasy anyqtalsa, onyń 98,6% jazyldy.

«Qazirgi kezde oblystaǵy ınfektsııalyq statsıonarlarda 24 adam em alyp jatyr. Onyń 16-y Aqtóbe qalasynda. Jansaqtaý bóliminde 4 naýqas jatyr. Bireýi ókpeni jasandy jeldetý apparatyna qosylǵan. Sonymen birge eki bala ambýratorlyq em alyp jatyr. Úsh júkti áıel statsıonarda», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, oblysqa barlyǵy mıllıonnan astam vaktsına jetkizilgen.

Oblys turǵyndarynyń 363 myńnan astamy birinshi komponentin qabyldady.

Al 347 myńnan astamy tolyq ımmýndaý sharasynan ótti.

«Oblys boıynsha 26310 adam revaktsınatsııadan ótti. Sonymen birge 6534 adam Pfizer vaktsınasyn saldyrdy. Onyń 4 myńnan astamy jasóspirim bolsa, 510-y júkti kelinshek. Al ózgesi bala emizetin ana. Adamdar demalys jáne mereke kúnderi de emhanaǵa baryp, vaktsına saldyra alady», - dedi Bekbolat Іzbasarov.