Aqtóbelikter az qamtylǵan 15 otbasyna azyq-túlik jetkizdi

AQTÓBE. QazAqparat – Sybaılas jemqorlyqqa qarsy is-qımyl agenttiginiń oblystyq departament janynan qurylǵan aqparattyq-aǵartýshylyq shtab jáne «Aqtóbe – adaldyq alańy» jobalyq keńsesiniń músheleri jaǵdaıy tómen otbasylarǵa qoldaý kórsetti, dep habarlaıdy QazAqparat tilshisi.

Kómekke muqtaj jandarǵa qol ushyn sozý - saýapty is. Aqtóbe oblystyq sybaılas jemqorlyqqa qarsy departament jańynan qurylǵan aqparattyq – aǵartýshylyq shtab jáne «Aqtóbe – adaldyq alańy» jobalyq keńsesiniń músheleri az qamtylǵan otbasylardy qoldaý maqsatynda qaıyrymdylyq sharasyn ótkizdi. Bul ıgi iske shtab quramyndaǵy meıirimdi jandar uıytqy bolyp, 15 otbasyny azyq-túlikpen qamtamasyz etti.

«Syn saǵatta, tótenshe jaǵdaı rejıminde bizdiń shtab beıjaı qarap otyra almady. Qıyn jaǵdaıda qalǵan otbasylarǵa kómektesýdi jón kórdik. Bárimiz «Biz Birgemiz» uranyna ún qosamyz. Otandastarymyzdy nazardan tys qaldyrmaımyz. Bas qosyp, bir-birimizdi demeý - izgilik pen parasattylyq qana emes, janashyrlyq dep bilemiz», - dedi aqparattyq – aǵartýshylyq shtabtyń jetekshisi J.Muhambetpaıyzova.

Eske salsaq, Prezıdent Qasym-Jomart Toqaev 16 naýryz kúni el halqyna úndeý joldady. Memleket basshysy óz úndeýinde búkil halyqty judyryqtaı jumylýǵa shaqyryp, qıyndyqty otandastarymyzben birge eńseretinimizge senim bildirgen bolatyn.