Aqtóbelik jigit 7-10 jasar qyzdardy aldap, jalańash sýretterin jelige salǵan

ALMATY. QazAqparat – Almatyda «Tıktok» áleýmettik jelisinde 7-10 jas arasyndaǵy qyzdarmen hat almasyp, jalańash sýretterin suraǵan pedofıl ustaldy. Bul týraly Almaty qalalyq prokýratýrasynyń baspasóz qyzmeti málim etti, dep habarlaıdy QazAqparat tilshisi.

Prokýratýranyń málimetinshe, Alataý aýdanynyń prokýratýrasy «Tıktok» áleýmettik jelisinde 7-10 jasar qyzdardyń belgisiz tulǵamen hat almasyp, oıǵa kelmeıtin taqyryptardy talqylaý faktisin anyqtady. Osyǵan baılanysty Aqtóbe oblysynyń 27 jastaǵy turǵynyna qatysty qylmystyq is qozǵaldy.

Qylmysker syıaqy úshin balalardan jalańash sýretterin jiberýdi suraǵan jáne ol týraly ata-analaryna aıtpaýdy ótingen. Alynǵan foto sýretterdi sheteldik áleýmettik jelilerge salǵan.
«Kúdiktiniń is-áreketi QR QK-niń 312-babynyń 3-bóligi 2-tarmaǵy - kámeletke tolmaǵandardyń pornografııalyq beıneleri bar materıaldaryn daıyndaǵany jáne aınalymǵa salǵany anyqtaldy. Kúdikti ustalyp, tergeý ızolıatoryna qamaldy. Oǵan 10 jyldan 15 jylǵa deıin bas bostandyǵynan aıyrý jazasy tónip tur. Іs boıynsha protsessýaldy prokýror taǵaıyndalyp, qajetti tergeý áreketteri júrgizilýde», - dep habarlady prokýratýrada.Atalǵan oqıǵaǵa baılanysty Almaty qalasynyń prokýratýrasy ata-analardy balalaryn qaraýsyz qaldyrmaýdy surady. Sebebi, atalǵan qylmys balalardyń áleýmettik jelilerdi baqylaýsyz paıdalanýynan bolǵanyn habarlady prokýratýrada.