Aqtóbelik jastar saıabaq ishindegi qoqysty jınady
Aqparat jáne qoǵamdyq damý mınıstrliginiń bastamasymen qolǵa alynǵan «Kıeli tabıǵat» jobasy jalǵasyp jatyr. Búgin «Taza saıabaq» aktsııasy aıasynda «Pýshkın» parkiniń aýmaǵy tazartyldy.
«Aktsııaǵa qalalyq oqýshylar saraıynyń uıymdastyrýshy-pedagog mamandary jáne «Kókjıek» klýbynyń 50 aǵa tálimgeri qatysty. Biz balalar boıyna patrıottyq sezimdi uıalatyp, tabıǵatty aıalap, kútý mádenıetin qalyptastyrý baǵytynda jumys istep júrmiz. Sondyqtan úlgi bolý úshin bul ıgi isti ózimizden bastadyq», - dedi respýblıkalyq «Jas ulan» balalar men jasóspirimder uıymynyń oblystyq fılıal tóraıymy Aıgerim Taırova.
Eriktiler sanıtarııalyq talapty saqtaý maqsatynda maska taǵyp arnaıy qolǵap kıdi. Árqaısysy qolyna qap ustap, qaǵaz ben túrli sýsynnyń qutysyn jınady.
«Ekologııalyq aktsııa qorshaǵan ortaǵa ǵana emes, adamdar úshin de paıdaly. Jan-jaǵymyz taza bolsa densaýlyǵymyz da syr bermes edi. Osy joly biz taǵy bir márte jaýapkershilik týraly aıtqymyz keledi. Ár adam ózinen qalǵan qaldyqty arnaıy qoqys jáshigine salýy kerek. Sol kezde bári jaqsy bolady. Bul qarapaıym erejeni, syılastyqty keıbirimiz elemeımiz», - dedi aktsııaǵa qatysýshy Aqmaral Sýlıkanova.
Aıta keteıik, 15 mamyr kúni Muǵaljar, Qarǵaly, Yrǵyz aýdandarynda aktsııa óz jalǵasyn tabady.