Aqtóbelik jastar aýyldastaryna jumyrtqany tegin taratady
Vıktorııa Shırıaeva Marjanbulaq aýyldyq okrýgi ákimdiginde jumys isteıdi. 28 jastaǵy memlekettik qyzmetker aýyl sharýashylyǵyn damytý úshin kásipkerlik biliktiligin arttyryp, áleýmettik jobadaǵy áriptesterimen qustyń birneshe túrin ósiredi.
Aqtóbe oblysy, Alǵa aýdany, Marjanbulaq aýylynyń jastary «Zhas projekt» áleýmettik jobasyna qatysyp, 1 mıllıon teńge utyp aldy. Qarjyǵa taýyqtarǵa arnalǵan tor, jem, 200 taýyq satyp aldy. Qazir kún saıyn taýyqtarynan 100-120 jumyrtqa jınap alady. Barlyq ónim áleýmettik jaǵynan az qamtylǵan, kópbalaly otbasylarǵa taratylady.
«2018 jyldyń shilde aıynda joba jeńimpazy atanyp, taýyqqa arnalǵan tor, 200 taýyq, ınkýbator satyp aldyq. Áleýmettik jaǵynan az qamtylǵan, kópbalaly otbasy men múgedekterge 6 aı boıy tegin jumyrtqa taratyp kelemiz. Bizdiń tobymyzda úsh adam bar. Basshysyz Aleksandr Gýz bolyp bekitildi. Joba aıaqtalǵanǵan soń aýylda qus sharýashylyǵyn damytqymyz keledi. Ámbebep ınkýbator bódene, qaz, úırek, taýyq jumyrtqasyn alýǵa múmkindik beredi», - dedi Vıktorııa Shırıaeva.
Aýyl jastary taýar, klıent, taýardy ótkizý sekildi uǵymdardy tereń túsinip, arnaıy kásipkerlik biliktiligin arttyrdy. Tórt kún boıy áleýmettik jobany bızneske aınaldyrýdy úırengen. Bıyl jobany iske asyrýdy bastaıdy.
«Tabıǵı ónimde qashanda suranys bolady. Biz de jem berip, esh qospasyz ónim alyp otyrmyz. Jumyrtqa kúndelikti tutynatyn taǵam bolǵan soń suranystyń bolaryna senemiz. Ári qustyń birneshe túrin satyp alý josparda bar. Ári biz qus ósirýdiń qyr-syryn meńgerip aldyq. Ol úshin qus ósirýshilerden tájirıbe jınap, kitap oqýǵa týra keldi. Sonyń nátıjesinde kúnine 40-50 dana jumyrtqa jınap, kóńilimiz tússe, tájirıbe jınaǵan soń turaqty 100-120 danaǵa jetkizdik», - dedi ol.