Aqtóbelik velo-saıahatshyny Býrabaı mańynda kólik qaǵyp ketti

AQTÓBE. QazAqparat - Aqtóbelik 58 jastaǵy saıahatshy Ertarǵyn Muhanbetqalıuly Qazaqstan Táýelsizdiginiń 25 jyldyǵyna oraı velosıpedpen saıahat jasady. Alaıda Astanaǵa bara jatqan jolda ol jol-kólik apatyna ushyrady.

- Aqtóbeden 28 maýsymda shyqtym. 7 shildede Şýchınsk qalasy (Aqmola oblysy Býrabaı aýdanynyń ortalyǵy) mańynda apatqa ushyradym - jeńil kólik qaǵyp ketti. Esimdi jıǵanda jedel járdem keldi, synyqtar bolmaǵanymen, 4 kún aýrýhanada jattym, - dedi E.Muhanbetqalıuly.

Şýchınskiden Astanaǵa Ertarǵyn poıyzben jetti. Saıahatshy elordany ómirinde birinshi ret kórdi. Astana oǵan unady, ol «Báıterekke» bardy.

Saıahatshynyń  jol-kólik apaty kezinde velosıpedine zaqym keldi, sondyqtan ony Şýchınskide qaldyrýǵa májbúr boldy.
Basty maqsaty - Qazaqstandy velosıpedpen aralaýdy qalaı júzege asyratynyn Ertarǵyn ázirge bilmeıdi. 
Buryn habarlanǵandaı, 23 maýsymda E.Qosanov velosıpedpen Mańǵystaýdyń qasıetti jerlerine, sonyń ishinde Shopan ata jáne Beket ata qabirine saparlaǵan. 1,5 myń shaqyrymdy ol 10 kúnde baǵyndyrdy.  

Ol bala kezinen beri velosıpedpen el kezgendi unatady. Ertarǵyn jalǵyz ózi 5 bala tárbıelep, ósirgen.