Aqtóbelik turǵyn óz kandıdatýrasyn Májiliske de, máslıhatqa da tirkedi

AQTÓBE. QazAqparat – Aqtóbe oblystyq, qalalyq jáne aýdandyq máslıhattarynyń depýtattyǵyna 686 kandıdat tirkeldi. Sonymen birge Parlament Májilisiniń depýtattyǵyna bir mandatty saılaý okrýgi boıynsha 16 kandıdat tirkelip, qujat aldy. Bir úmitker óz kandıdatýrasyn Májiliske jáne oblystyq máslıhat depýtattyǵyna tirkedi, dep habarlaıdy QazAqparat tilshisi.

Parlament Májilisine bir mandatty saılaý okrýgi boıynsha óńirden 24 kandıdat usynyldy. Onyń 22-i ózin-ózi usynsa, qalǵan ekeýi partııalardan. Tekserý jumystarynan soń barlyǵy 23-i talaptarǵa saı kelse, bireýi ótpedi. Eki kandıdat jazbasha ótinish berip, óz kandıdatýrasyn keri qaıtaryp alsa, beseýi tirkeýge qajetti qujattaryn usynbady. ıAǵnı, deklaratsııa nemese saılaý jarnasy týraly qujattary tapsyrylmaǵan.

«Sońynda barlyǵy 16 kandıdat tirkeýden ótti. Tirkelgenderdiń altaýy áıel, 10-y er adam. Ortasha jasy – 54 jas. Eń jasy 32-de, eń úlkeni 74-te. Ulty boıynsha - bári qazaq. Bir orynǵa 16 kandıdattan keledi. Onyń bireýi ǵana saılanady.

Al Aqtóbe oblystyq máslıhatta 34 mandat bar. Onyń 17-i partııalyq tizim boıynsha, ózgesi bir mandattyq aýmaqtyq okrýg boıynsha saılanady. Barlyǵy 6 partııadan 59 kandıdat bar. Áıelder, jastardyń úlesi – 56%. Ortasha jasy – 45 jas. Onyń 10-y 29 jasqa deıingi jastar», - dedi oblystyq aýmaqtyq saılaý komıssııasynyń tóraǵasy Nurlybek Júsipov.

Aqtóbe oblysy máslıhatynyń depýtattyǵyna bir mandatty saılaý okrýgi boıynsha 85 kandıdat usynyldy. 84-i talapqa saı bolyp shyqty, 6 kandıdat jazbasha ótinish berip, kandıdatýrasyn keri qaıtardy. Altaýy qajetti qujatty usynbady.

«Barlyǵy 72 kandıdat tirkeldi. Eń jasy 24-te, eń úlkeni 69 jasta. Bir orynǵa 4 úmitkerden keledi. Eń joǵary básekelestik №9 okrýgte bolyp tur. Bul jerde bir orynǵa 7 kandıdat bar. Al Aqtóbe qalasy máslıhatynyń depýtattyǵyna 32 okrýg boıynsha 130 kandıdat tirkeldi. Orta eseppen bir okrýgke 4 kandıdattan keledi. Aýdandyq máslıhattarǵa 139 okrýg boıynsha 425 kandıdat tirkeldi. Orta eseppen bir okrýgke úsh kandıdattan keledi.

Aqtóbeden Parlament Májilisine de, oblys máslıhatynyń depýtattyǵyna da úmitker retinde tirkeýden ótken bir kandıdat bar. Ol eki jaqtan da saılansa, tańdaýdy ózi jasaıdy. Máselen Májiliske baratyn bolyp sheshse, oblystyq máslıhattaǵy saılaý okrýginde qaıta saılaý ótkiziledi. Buryn depýtat bolyp, qaıta kandıdat bolǵandar bar. Al Májilis depýtattyǵyna úmitkerler arasynda ondaı joq», - dedi Nurlybek Júsipov.

Aıta keteıik, oblysta 562 myńǵa jýyq saılaýshy bar.