Aqtóbelik stýdent dostyq sharj salyp, alǵashqy kórmesin ótkizdi
Shynbolat Isaǵalıev qazir ýnıversıette dızaıner mamandyǵyn meńgerip júr.
Ol sýret salý óneriniń birneshe janryn baqylap, tańdap, sharj salýdy jón kórdi. Týyndylary kópshilikke alǵash ret usynyldy.
«Kórmege ózim salǵan týyndylardyń sátti shyqanyn iriktep aldym. Sharjda akterlerdiń beınesi kóp. Ózim kıno qaraǵandy unatamyn. Aldaǵy ýaqytta Aqan Sataev, Nurjan Tólendıevti salǵym keledi. Sýret salýǵa kóp ýaqytymdy arnaımyn. Sebebi qatelesemin, qaıta oılanyp, óz olqylyǵymdy túzetemin. Keıde 8-10 saǵat boıy otyryp, jańa dúnıe salyp shyǵamyn. Keıde bastap, unamaı tastap ketemin. Qaıta oralyp, sharjdy oıymdaǵydaı etip salyp shyǵatyn sátter bolady»,- dedi Shynbolat Isaǵalıev.
Stýdent qalam, qara qaryndash pen túrli tústi qaryndashty jıi qoldanady.
«Kópshiligi sharjdy karıkatýramen shatastyrady. Sharj adamdy kúlkige aınaldyrmaıdy, kerisinshe ereksheligin aıshyqtaı túsedi. Qazirgi maqsatym - oqýdy oıdaǵydaı aıaqtaý. Kompıýterdi jetik meńgerip, fotodızaıner, vıdeomontaj jasaýdy meńgergim keledi. Tipti mobıldi qosymsha jasaýǵa mashyqtansam dep oılaımyn. Qazir men ár salany qarap, baǵymdy synap júrmin. Kóp uzamaı tańdaý jasaımyn», - dedi ol.
Oqytýshysy Ádilǵalı Saǵymbaev onyń shyǵarmashylyǵyna qoldaý bildirip, baǵyt-baǵdar berip otyr.
Sonymen birge ata-anasy men baýyry da únemi janynan tabylady.
Aıtyp óteıik, mektepte oqyp júrgende jáne stýdent kezde Shynbolat Isaǵalıev únemi baıqaýlarǵa qatysty.
Máselen 2014 jyly «Juldyzaı» festıvalinde alǵys hat aldy.
Al 2015 jyly «Biz Qazaqstandy súıemiz» baıqaýynda І-dárejeli dıplommen marapattaldy.
Al paýerlıftıngten tirek qımyly zaqymdanǵan sportshylar arasynda ótken oblystyq birinshilikte úshinshi orynnan kórindi.