Aqtóbelik polıtseı qazaqsha suraqqa jaýap berýden bas tartty

  AQTÓBE. QazAqparat - Aqtóbe oblysynyń qoǵamdyq keńesinde quqyq qorǵaý organdary qyzmetkerleriniń etıkalyq normalardy saqtaýy qaraldy. Oblystyq ishki ister departamenti bastyǵynyń orynbasary Andreı Haırýllın qazaq tilinde qoıylǵan suraqqa jaýap berýden bas tartty, dep habarlaıdy QazAqparat tilshisi.

Aqtóbe oblystyq ishki ister departamentiniń jumysyn jan-jaqty tanystyrýǵa kelgen departament bastyǵynyń orynbasary Andreı Haırýllın áriptesteriniń  Ádep kodeksin buzyp júrgenin jasyrmady. Jyl basynan beri 16 quqyq qorǵaýshy memlekettik qyzmetkerdiń Ádep kodeksin saqtamaǵan. Onyń 11-i jergilikti polıtsııa qyzmetkeri eken. Al ótken jyldyń bes aıynda 14 polıtsııa qyzmetkeri ereje buzǵan. Senim telefony, áleýmettik jelidegi baqylaý da kúsheıdi.

«Sybaılas jemqorlyqty aldyn-alý úshin ákimshilik polıtsııa, kóshi-qon polıtsııasyna beınebaqylaý kamerasy qondyrǵysy ornatyldy. Ýchaskelik pýnktterdegi tergeýshi men anyqtaýshynyń bólmesinde beınebaqylaý kamerasy men aýdıo jazba quraly bar. Bıyl 14 qylmystyq is boıynsha 17 polıtsııa qyzmetkeri kúdikke ilikti. Ótken jyly 8 qylmystyq is boldy. Onyń altaýy sybaılas jemqorlyqqa qatysty is»,- dedi departament bastyǵynyń orynbasary Andreı Haırýllın.

Onalyq kolledjine Mánshúk Mámetovanyń aty berildiblystyq qoǵamdyq keńestiń otyrysynda esep bergen Andreı Haırýllın birde-bir suraqqa jaýap bere almady. Ol keıbir suraqty túsinbeı, ózi daıyndap kelgen baıandamasyn taǵy qaıtalady.

«Quqyq qorǵaý organdary basshylary arasynda memlekettik tildi bilmeıtin adamdar bar ma? Memlekettik tilde qoıylǵan suraqqa oryssha jaýap berse, zańdylyqtyń buzylǵany. Qazaq tilinde qoıylǵan suraqqa qazaqsha  jaýap bere alasyz ba?»,- dedi qoǵamdyq keńes múshesi Altaı Taıjanov. Fılosofııa ǵylymdarynyń doktory, professordyń bul suraǵyn usynys dep uqqan departament bastyǵynyń orynbasary Andreı Haırýllın suraqqa jaýap berýden bas tartty.

«Polıtsııa qyzmetkerlerine halyq senbeıdi. Olar «báribir eshteńe sheshpeıdi, ózimizge bas salady» deıdi. Halyq arasynda polıtsııa qyzmetkerleri tártip ornatady, qylmystyń betin ashady, kúdiktini ustaıdy degen senim joq»,- dedi keńes múshesi Túrikpenbaı Aıjaryqov.

Aıta keteıik, ótken jyly 68 quqyq qorǵaýshy túrli zańdy buzǵan. Barlyǵy 25 polıtsııa qyzmetkerine qatysty 19 is sotqa joldanyp, onyń 22-i sottaldy. Al osy jyldyń bes aıynda 52 quqyq buzýshylyq tirkeldi. Barlyǵy on polıtsııa qyzmetkerine qatysty 8 qylmystyq is sotqa joldanyp, 8 polıtsııa qyzmetkeri sottaldy. Ótken jyly 54 polıtsııa qyzmetkeri jumystan shyǵarylyp, jyl basynan beri 28 quqyq qorǵaýshy qyzmetten ketti. Qazirgi kezde oblystyq ishki ister departamentinde kadr tapshylyǵy máselesi ózekti.