Aqtóbelik operator dıqandarǵa arnalǵan 2 982 tonna dızel otynyn satyp jibergen
16:06, 11 Qazan 2022
ASTANA. QazAqparat – Egis naýqany kezinde dıqandar úshin arzandatylǵan baǵamen bosatylǵan janarmaıdy kommertsııalyq maqsatta satý faktileri tirkelgen. QR Bas prokýory Berik Asylov Májilis depýtattarynyń saýalyna joldaǵan djaýabynda osyndaı derek aıtty, dep habarlaıdy QazAqparat tilshisi.
«Prokýratýra organdary kúzgi dala jumystaryna aýyl sharýashylyǵy taýaryn óndirýshilerge arnap arzandatylǵan otyndy maqsatqa saı paıdalaný derekteri boıynsha tekseris uıymdastyrdy. Nətıjesinde búgingi tańda ony kommertsııalyq maqsatta paıdalaný faktileri anyqtaldy», - dep jazady Bas prokýror.
Qazir osyndaı zańsyzdyqqa barǵan óńirlik operatordyń ústinen qylmystyq is qozǵalyp jatyr.
Atap aıtqanda, Aqtóbe oblysynda óńirlik operator – «Batys Jer» JShS óz janar-jaǵarmaı quıý stansalary arqyly 2 982 tonna kóleminde jeńildetilgen otyndy satqan.
«Atalǵan fakti boıynsha Ekonomıkalyq tergeý departamenti Qylmystyq kodekstiń 221-baby (monopolıstik qyzmet) boıynsha sotqa deıingi tergep-tekserýdi júrgizýde. Bul jumys jalǵasady», - dep jazylǵan jaýapta.