Aqtóbelik oqýshylar Qazaqstannyń kıeli jerlerin aralaıdy
Aqtóbe oblysynyń ár aýdany men qalada bilim alyp júrgen 20 oqýshy óz jetekshisimen kıeli jerlerdi aralaýǵa shyqty. Elbasy Nursultan Nazarbaev «Bolashaqqa baǵdar: rýhanı jańǵyrý» maqalasynda «Qazaqstannyń kıeli jerler geografııasy» jobasyn ázirlený qajet dep tapsyrǵan bolatyn. Elimizdegi kıeli oryndarmen tanysý, zertteý júrgizý úshin aqtóbelik oqýshylar aldymen Qyzylorda, Almaty, Jambyl, Ońtústik Qazaqstan oblystaryna attandy. Olar arnaıy týrıstik marshrýtpen júrip ótip, qazaq tarıhymen keń tanysady.
«Ekspedıtsııaǵa mektepterde bilim alatyn áleýmettik az qamtylǵan otbasy balalary barady. Jospar boıynsha Qoja Ahmet ıAssaýı, Arystan bab keseneleri men Qorqyt ata keshenine, Aısha bıbi, Qarahan keseneleri men birneshe sáýlet eskertkishterine, tarıhı mekenderge barady. Balalar elimizdiń kıeli oryndarymen tanysyp, keıin ózderiniń kórip, bilgenin óz zamandastaryna baıandaıdy. Bul jumys keler jyly da jalǵasyn tabady», - dedi Aqtóbe oblystyq syrtqy baılanystar jáne týrızm basqarmasynyń bólim basshysy Janna Búrkitalına.
Aıta keteıik, barlyǵy úsh top kıeli jerlerdi tamashalaý, zertteýmen aınalysady. Balalardyń densaýlyǵyna jaýapty dáriger de saparǵa birge shyǵady.