Aqtóbelik oqýshy vırýstan qorǵaıtyn «aqyldy maska» oılap tapty
Arman Jalǵasbaev Aqtóbe qalasyndaǵy fızıka-matematıka baǵytyndaǵy Nazarbaev zııatkerlik mektebinde bilim alyp júr. Ónertapqysh «KIRC.KZ - 2021» halyqaralyq baıqaýyna qatysyp, І-oryndy ıelendi. Jeńimpaz oqýshyǵa 300$ kóleminde aqshalaı syılyq pen dıplom tabys etildi. Onyń robototehnıka salasy boıynsha halyqaralyq jarysqa usynǵan «RUD SMART MASK» jobasy respıratorlyq maska men qorshaǵan orta analızatory fýnktsııasyn atqara alady.
«Maska eki negizgi bólikten turady. Birinshisi, aýadaǵy gazdy anyqtaýǵa arnalǵan taldaý jáne sıgnal júıesi. Aqparat bluetooth-modýl arqyly taratylady. Al ekinshi bóligi súzgi esebinde qoldanylady. Maska aǵzamyzdy las aýa men vırýstan qorǵaıdy. Tutynýshyǵa yńǵaıly bolýy úshin eki komponent ózara neodım magnıtimen jalǵanyp tur», - deıdi Arman Jalǵasbaev.
Maska sapasy men ony qaıta paıdalaný asa mańyzdy. Jas ónertapqysh «aqyldy maskany» tazalaýǵa arnalǵan RUD STAND qurylǵysyn da jasady.
«Maska fıltri ýltramedkol, spanbond, belsendirilgen kómir qosylǵan mata jáne akrılden jasaldy. Bizdegi apparat ony arnaıy ýltrakúlgin sáýleler kómegimen birneshe mınýt ishinde zalalsyzdandyrady. Nátıjesinde maska qaýipsizdikti qamtamasyz etedi», - dedi aqtóbelik zııatker.
Aıta keteıik, Sh.Ýálıhanov mektebi uıymdastyrǵan halyqaralyq jarysqa Reseı men Ózbekstan, Túrkııa memleketterinen de jobalar usynyldy. Álemdegi koronovırýstyq pandemııaǵa baılanysty baıqaý onlaın formatta ótti.