Aqtóbelik munaıshylar qytaılyq vaktsına saldyrady
Aqtóbe oblysy boıynsha 38 myńnan astam adam vaktsına saldyrǵan. Onyń 6 myńnan astamy eki komponetti de aldy. Ótken demalys kúnderi taǵy 14 800 doza Spýtnık V vaktsınasy óńirge jetkizildi. Sonymen birge QazVac ekpesiniń 2 myń dozasy ákelindi.
«Qazaqstandyq QazVac vaktsınasy emhanalarǵa taratyldy. Osy aptada otandyq vaktsına berile bastaıdy. Sonymen birge qytaılyq «Sınofarm» vaktsınasy qazir Saýd Arabııasynda óndirilip jatyr. Onda vaktsınaǵa «Hayat-Vax» ataýy berilgen. Dál osy qytaılyq vaktsınanyń 22 myń dozasy 30 sáýir kúni oblysqa jetkiziledi. Jospar boıynsha «Samuryq Qazyna» kompanııasynyń jumysshylaryna, ıaǵnı, óńirdegi iri munaı kompanııalarynyń qyzmetkerlerine egiledi. Keıin turǵyndarǵa da jetkiziledi», - dedi oblystyq densaýlyq saqtaý basqarmasynyń basshysy Rústem Isaev.
Aıta keteıik, Aqtóbe oblysy 31 naýryzdan beri «qyzyl» aımaqta. Ótken táýlikte taǵy 125 adamnan koronavırýs ınfektsııasy anyqtaldy. Qazir 750 naýqas ınfektsııalyq aýrýhanalarda em alyp jatyr. Onyń 50-i jansaqtaý bóliminde. Barlyǵy 7 adam ókpeni jasandy jeldetý apparatyna qosylǵan.