Aqtóbelik muǵalim ózi oılap tapqan ádispen erekshe balalarǵa dombyra úıretip júr

AQTÓBE. QazAqaparat - Aqtóbe qalasyndaǵy mýzyka pániniń muǵalimi Gúlsana Maǵzymbetova erekshe balalarǵa mýzykalyq aspapta oınaýdy úıretip júr. Estýinde aqaýy bar qatysýshylar úshin ustaz ártúrli túster men geometrııalyq fıgýralar arqyly nota úıretý metodıkasyn oılap tapqan, dep habarlaıdy QazAqparat.

Oqý-aǵartý mınıstrliginiń málimetinshe, pedagog jeti notany jeti túrli túske boıap, bes saýsaqty geometrııaly pishinderge aýystyrypty.

Oqý ádistemesiniń avtorlyq quqyǵy bar jáne ol Bern konventsııasy arqyly birneshe elde qorǵalǵan.

Gúlsana Maǵzymbetovadan búginde túrli syrqaty bar 30 bala tálim alyp júr. Boıyndaǵy túrli dertterine qaramaı, ulttyq aspapta oınaýdy meńgergen ónerpazdar qalalyq baıqaýlardan bastap, oblystyq, respýblıkalyq báıgelerde kózge túsip keledi. Aqtóbelik ustazdyń aıtýynsha, bul ádis balalardyń densaýlyǵyna oń áser etedi.

«Kez kelgen mýzykalyq aspapta oınaý adamnyń eki mı bóligi birden jumys isteýge ıtermeleıdi. Tsebraldi sal aýrýyna shaldyqqan balalardyń qol motorıkasy jaqsy damıdy. Osy ádisteme arqyly basqa da aspaptarda oınaýǵa bolady», -deıdi Gúlsana Maǵzymbetova.

Aıta ketý kerek, jas ustaz Gúlsana Maǵzymbetova memlekettik grant utyp alyp, eki ortalyq ashqan. Erekshe balalar úshin mýzykalyq aspaptarmen jabdyqtap, ónerge qyzyǵýshylyǵy bar balalardy qabyldaıdy. Onyń pikirinshe, múmkindik qashan da sheksiz!