Aqtóbelik kelinshek 8 aı túrmede otyrǵany úshin moraldyq shyǵyn óndirip aldy

AQTÓBE. QazAqparat - Aqtóbelik kelinshek kúıeýin óltirdi degen kúdikpen 8 aı boıy túrmede otyryp, keıin sot zalynan aqtalyp shyqty. Aıgerim Qaýqanova negizsiz túrmede otyrǵany úshin QR Qarjy mınıstrliginen 601 myń teńge óndirip aldy, dep habarlaıdy QazAqparat tilshisi.

Aqtóbe oblysy Alǵa aýdanynyń turǵyny Aıgerim Qaýqanova ishimdik iship, ózine qol jumsaǵan, pyshaq alyp, ómirine qaýip tóndirgen kúıeýinen qorǵanyp, oǵan pyshaq suǵyp aldy. Jábirlenýshi birer mınýtta kóz jumyp, kúdikti qamaýǵa alyndy. 28 jastaǵy kelinshek Qylmystyq kodekstiń «Kisi ólimi», «Qorǵaný maqsatynda adam óltirý» baptary boıynsha aıyptalyp, keıin sot zalynan bosap shyqty.

Іs materıalyna súıensek, 8 aı boıy túrmede otyrǵan kelinshek keıin azamattyq aryz túsirdi. Ol moraldyq shyǵyn retinde 3 mıllıon teńge surady. Jaýapker - QR Qarjy mınıstrligi. Sot talapker Aıgerim Qaýqanovanyń aryzyn ishinara qanaǵattandyrdy.
 

«Aıgerim Qaýqanovanyń paıdasyna moraldyq shyǵyn retinde 500 myń teńge, memlekettik baj salyǵyna 1135 teńge, sot aldynda qorǵaǵan ókiliniń shyǵyna 100 myń teńge QR Qarjy mınıstrliginen óndirilsin. Sot aldy jáne sot kezindegi tergeý jumystaryndaǵy qorǵaýshynyń qyzmeti úshin 1 mıllıon 75 myń teńge suralǵan aryz qanaǵattandyrýsyz qaldyrylsyn», - dedi sýdıa Nazymgúl Samarhanova.

Sot úkimi kúshine engen joq.