Aqtóbelik Qazbek Saǵyn MMA-den ótken jarystaǵy jeńisin Qasym-Jomart Toqaevqa arnady
Bul týraly QazAqparat Aqtóbe oblysy ákimdiginiń Facebook paraqshasyna silteme jasap habarlaıdy.
Jarysqa Qazaqstan, Ulybrıtanııa, Reseı Federatsııasy, Qyrǵyzstan, Japonııa, Brazılııa, Ázerbaıjan jáne Ózbekstannan kelgen sportshylar qatysty.
Sporttyq sharaǵa oblys ákimi Eraly Toǵjanov bardy. Óńir basshysy salaýatty ómir saltyn nasıhattaý, ásirese oǵan jastardy tartýdaǵy halyqaralyq týrnırdiń mańyzdylyǵyn basa aıtty.
«Memleket basshysy Qasym-Jomart Toqaevtyń tapsyrmasyna sáıkes, buqaralyq sportty damytý, salaýatty ómir saltyn ustaný baǵytynda júıeli jumystar atqarylyp keledi. Ult densaýlyǵyn nyǵaıtý – basty mindetterdiń biri. Jastar arasynda buqaralyq sportty nasıhattap, damytý kerek. Ol úshin sporttyq ınfraqurylymdy barynsha qoljetimdi etip jasaımyz jáne Aqtóbe oblysynda, onyń ishinde respýblıkalyq, halyqaralyq jáne álemdik deńgeıdegi jarystardy uıymdastyrýǵa atsalysamyz. Bizdiń jastar myqty sportshylardyń esimderin bilip qana qoımaı, sportpen shuǵyldaný kezinde de tabandy jáne batyl bolyp ósýi kerek. Bul týrnır Aqtóbe jastarynyń salaýatty ómir saltyna degen qyzyǵýshylyǵyn arttyrady degen senimdemin», — dep atap ótti Eraly Toǵjanov.
24 sportshynyń qatysýymen barlyǵy 12 jekpe-jek ótti.
Aqtóbelik jaýyngerler rıngke el Prezıdentiniń portreti beınelengen fýtbolkalarmen shyqty. Munymen sportshylar Qasym-Jomart Toqaevtyń kezekten tys saılaýda jeńiske jetkenin, boılaryn maqtanysh sezimi kerneıtinin bildirgisi kelgen.
Keshtiń basty jekpe-jeginde Naiza lıgasynyń belbeýi úshin 53 kelige deıingi eń jeńil salmaq dárejesinde qazaqstandyq sportshy, qoıan-qoltyq jekpe-jekten úsh dúrkin álem chempıony Qazbek Saǵyn jáne brıtandyq faıter Djon Shınk kezdesti. Erekshe áserli jekpe-jektiń qorytyndysy boıynsha DAR Team kásibı klýbynyń jaýyngeri Qazbek Saǵyn chempıondyq belbeý ıegeri atandy.
Naiza-daǵy óziniń tarıhı jeńisin ol Memleket basshysyna arnady.
«Komandaǵa, óz bapkerim Azız Razyevke alǵys aıtamyn. Biz naǵyz batyr halyqpyz. Eldiń atyn álemge pash etýge daıynmyn. Búgingi jeńisimdi el Prezıdenti Qasym-Jomart Toqaevqa, áskerı mindettin oryndap kelgen azamat retinde elimizdiń Bas qolbasshysyna arnaımyn», - dedi Qazbek Saǵyn. Sondaı-aq, jańa chempıondyq belbeý ıegeri óziniń otbasy men ata-anasyna jarys jolynda jan-jaqty qoldaý kórsetkeni úshin alǵys bildirdi.
Naiza 48 týrnırinde Dastan Amangeldi, astrahandyq qazaq Serik Razǵalıev jáne MMA-dan úsh dúrkin álem chempıony Baǵdat Jubanysh keremet oıyn kórsetti.
«Bizdiń eń ózekti maqsattarymyzdyń biri — óńirlerde sportty damytyp, qoldaý. Naiza-nyń Aqtóbede ótýi sportsúıer jastarǵa úlken serpin beredi. Al bul — óńirlerdiń áleýmettik damýynyń mańyzdy bóligi. «Tóbeleskiń kelse — rıngte» aıasynda biz qoǵamnyń áleýmettik osal toptaryna jatatyn jastarǵa áleýmettik saty bola alatyn kásibı sport bar ekenin aıtqymyz keledi. Olardyń kóshege shyǵyp tóbeleskenin emes, bir kezderi ózderin taba almaı, biraq sportpen aınalysyp, nátıjesinde belgili bir jetistikke jetken, búginde álemniń jetekshi lıgalarynda óner kórsetip júrgen tabysty jaýyngerlerdi kórgenin qalaımyz», — dedi Naiza prezıdenti Nurbek Qarabala.
Sonymen qatar, halyqaralyq týrnır aıasynda 21-23 qarasha aralyǵynda Aqtóbede qazaqstandyq jekpe-jek lıgasynyń Naiza - Naiza Sport Week sport aptalyǵy ótedi. Bir apta boıy aqtóbelikter tanymal jattyqtyrýshylar men sportshylardyń sheberlik sabaqtaryna, motıvatsııalyq kezdesýlerine qatysyp, Qazaqstannyń MMA juldyzdary men ataqty basketbolshylary oınaıtyn regboldan «Batyr Bol» atty týrnırdi, sondaı-aq elimizdiń jáne álemniń myqty sportshylarynyń basyn qosatyn grepplıngten gran-prıdi tamashalaı alady.