Aqtóbelik kásipkerler medıtsınalyq maskany tegin taratty

AQTÓBE. QazAqparat – Aqtóbede kásipkerler 3 myń maskany tegin taratty, dep habarlaıdy QazAqparat tilshisi.

Qazaqstan qurylysshylar Odaǵynyń oblystyq fılıaly, qonaq úıler jáne meıramhanalar qaýymdastyǵy, gaz qaýymdastyǵy birigip, qarjy jınap, 3 myń dana maska tiktirdi.

«Qaladaǵy kásipkerler «Biz birgemiz» aktsııasyn qoldady. Tapsyrysty kópbalaly analarǵa berip, olardyń da tabys tabýyna septigimizdi tıgizdik. Tiginshiler maqta matadan daıyndap berdi. Bul jumystarǵa 750 myń teńge jumsaldy. Keıin qaladaǵy adam kóp shoǵyrlanǵan 7 orynda taratyldy. Bazarlar men gıpermarket janynda adamdarǵa maska kııý, ony qoldaný, tazalyq saqtaý tártibi túsindirildi. Shynyn aıtqanda, adamdar áli beıqam júr. Keıbiri senbeıdi, selsoq qaraıdy. Biz qazir ózimizdi saqtap, elimizdi qorǵaı alamyz», - dedi Aqtóbe qalasyndaǵy qonaq úı-meıramhana bıznesi qaýymdastyǵynyń tqraǵasy Baný Tilegenova. Onyń aıtýynsha, betperde tapshy dep bos otyrý durys emes. Kez kelgen adam maqta mata alyp, ózine qajetti qorǵanys quralyn tige alady.

«Dalada jalǵyz júrseńiz maska kııý mindetti emes, al adam kóp jınalatyn bazar, dúkenderde mindetti túrde kıgen abzal. Biz saqtyq sharasy úshin adamdarǵa jıi kómektesetin «Jas Otan» jastar qanatyna 200 dana maska berdik. Aqtóbelik kásipkerler bizdi qoldady», - dedi B.Tilegenova.