Aqtóbelik kásipker blokposttaǵy adamdardy arnaıy kıimmen qamtamasyz etti
Aqtóbelik kásipkerler qaıyrymdylyq aktsııasyna óz úlesin qosyp jatyr. Tigin tsehy arnaıy kıim jıyntyǵyn tapsyrdy. Kásipker 1,4 mıllıon teńge jumsady.
«Aqtóbe qalasynyń ákimdigi men máslıhat arnaıy kıimderdiń quny týraly surady. Olar blokposttarda turatyn jaýapty qyzmetkerlerge qajetti bas kıim, aıaq kıim men betperde, arnaıy kıim qunyn bildi. Kompanııa basshylyǵy el qaýipsizdigi úshin kún-tún demeı eńbek etip júrgen adamdar úshin qaıyrymdy is jasaýǵa sheshim qabyldady. Aktsııaǵa óz úlesimizdi qosyp, ózge de kásipkerlerdiń qoldaıtynyna senim bildiremin», - dedi óndiristik birlestik jetekshisi Nadejda Shabaeva
Aıta keteıik, aqtóbelik meıramhana, dámhana ıeleri ınfektsııalyq klınıka dárigerlerine shaı dastarqanyn daıyndap, úsh mezgil ystyq tamaqpen qamtamasyz etýdi qolǵa alǵan bolatyn.