Aqtóbelik eriktiler balyqtardy qutqarý úshin erekshe áreketke bardy
Aqtóbe oblysyndaǵy Sazdy sý qoımasynda ótken jyly sý qory az boldy. Qazirgi ýaqytta muz qalyńdap, balyqtarǵa aýa jetpeı jatyr. Alańdaǵan aqtóbelik eriktiler bas qosyp, búgin burǵylaý jumysyn júrgizdi.
«Taıaýda maǵan tabıǵat janashyry habarlasty. Sazdy sý qoımasynda balyq qyrylyp jatyr eken. Biz jan-jaqqa habarlasyp, eriktilerdi jınadyq. Búgin Sazdy sý qoımasyna 20-ǵa jýyq adam kelip, burǵylaý jumysyn júrgizdi. Birden jaǵymsyz ıis shyqty. Taýtan balyǵy tabyldy. Demek sý astynda aýa jetpeı jatyr. Biz oıyqqa qamys salyp, balyqtyń ómir súrýi úshin bar jaǵdaıdy jasadyq. Birer kúnnen soń taǵy jınalyp, bir sharshy metrlik tórtburysh oıyq jasaımyz. Bul da úlken kómek», - dedi «Aktobe, dyshı» eriktiler tobynyń jetekshisi, ekoambassador Evgenıı Larachýk.
Sonymen birge eriktiler jınalǵan kezde Sazdy sý qoımasyn jalǵa alýshy, ınspektorlar men qoryqshylar kómekke bardy. Barlyǵy 70-ke jýyq oıyq oıyldy.