Aqtóbelik egiz balalar alǵash ret saıası naýqanǵa qatysty

AQTÓBE. QazAqparat – Aqtóbe oblysy boıynsha 560 myńǵa jýyq adam daýys berý múmkindigine ıe. Búgin Sazdy aýylyndaǵy egizder birinshi ret el ishindegi saıası naýqanǵa qatysyp, tańdaýyn jasady, dep habarlaıdy QazAqparat tilshisi.

Aqtóbe oblysy boıynsha 517 referendým ýchaskesi bar.

Respýblıkalyq beıpartııalyq baıqaý shtaby oblystyq tóraǵasy Erádil Ýbbınııazovtyń aıtýynsha, refereným ýchaskelerinde 2800-den astam baıqaýshy jumys istep jatyr.

«Óńirde eshqandaı da zańbuzýshylyq tirkelgen joq. Adamdar belsendi túrde referendým ýchaskesine kelip jatyr», - dedi Erádil Ýbbınııazov.

Aqtóbe qalasy Sazdy aýylynyń turǵyndary Áset jáne Ásel Qońqaevtar da óz tańdaýyn jasady. Mektep túlekteri bıyl alǵash ret saıası naýqanǵa qatysty.

«Sazdy orta mektebiniń túlegimiz. Bıyl 18-ge toldyq. Qazaqstan damýyna úles qosý úshin daýys berýge keldik. Bul úlken jaýapkershilik dep bilemiz ári bizdiń birinshi qadamymyz. Men ózim zańger bolǵym keledi. Sóıtip elimizdiń quqyqtyq salasynyń damýyna úles qospaqpyn. Al Áset kásipker bolý úshin alqashqy qadam jasap úlgerdi», - dedi Ásel Qońqaeva.

Eske salsaq, búgin Dımash Qudaıbergenniń ustazy Marat Áıtimov te óz tańdaýyn jasady.

Keıin ol shákirti jaıly áńgimeledi.

«Dımash qazir habarlasyp, keńes suraıdy. Kóbi kásibı jumysqa baılanysty. Jeke ómirin de aıtady. Dımashqa qatysty syn aıtylady. Bárine unaý múmkin emes. Keıbiri tıse terekke, tımese butaqqa dep aýzyna kelgenin aıtyp jatady. Ol kezde adamdardyń pıǵyly qaryn ashtyrady. Bir ándi birge oryndaımyz degen josparymyz bar. Ázir júzege aspaı jatyr. Jańa án nemese halyq áni bolýy múmkin», - dedi Marat Áıtimov.