Aqtóbelik depýtattar múmkindigi shekteýli balalary bar otbasyna azyq-túlik taratty

AQTÓBE. QazAparat - BizBirgemiz aktsııasyna Aqtóbe oblystyq máslıhatyndaǵy Nur Otan fraktsııasy músheleri úles qosty. Búgin olar múgedek balasy bar otbasynp kómek kórsetti, dep habarlaıdy QazAqparat tilshisi.

Depýtattar Ramazan aıy qarsańynda aktsııany «Nur Ǵasyr» meshitimen birlese ótkizdi. Múmkindigi shekteýli balalarǵa jalpy somasy 2 mln teńgeni quraıtyn azyq-túlik qorjynyn úlestirdi.

«Qasıetti aıda muqtaj jandarǵa qol ushyn berý paryz. Óıtkeni Orazadaǵy ıgi ister men muqtaj jandarǵa, naýqastarǵa kórsetilgen jomarttylyq úshin Alla Taǵalanyń syıy eselenedi», - dedi oblystyq máslıhat depýtaty Berdibek Tóleýov.
Elbasynyń «Birlese bilgen el bárin jeńedi» atty maqalasynda halqymyzdyń boıyndaǵy urpaqtan urpaqqa úzilmeı jetken eń izgi qasıetter qaýipti indetti jeńip shyǵýǵa septigin tıgizetinin aıtty.

«Biz qazir kómekke asa muqtaj qarııalardy, ardagerlerimizdi, kópbalaly analardy, ál-aýqaty tómen jandardy, jumysqa jaramsyz adamdardy erekshe qamqorlyqqa alýymyz kerek», -degen bolatyn Elbasy.
Balasyna kómek alǵan ananyń biri - Araılym Manalıeva. Ol depýtatarǵa rızashylyǵyn bildirdi.