Aqtóbelik dárigerler baıqaýda jeńip alǵan 1 mıllıon teńgeni sábıler úıine berdi
11:40, 29 Maýsym 2021
AQTÓBE. QazAqparat - Aqtóbedegi Qarǵaly qalalyq aýrýhanasy medıtsına qyzmetkerleri kúni alǵan 1 mıllıon teńgeniń sertıfıkatyn sábıler úıine berdi, dep habarlaıdy QazAqparat tilshisi.
«Úmit» sábıler úıiniń tárbıelenýshilerine dárigerler tosynsyı jasady. Qarǵaly qalalyq aýrýhanasy ujymynyń sheshimimen 1 mıllıon teńgeniń sertıfıkaty ata-ana qamqorlyǵynsyz, jetim qalǵan balalarǵa berildi. Aq halattylarǵa sertıfıkatty oblys ákimi Ońdasyn Orazalın medıtsına qyzmetkerleri kúni tartý etken bolatyn. Bul aýrýhana ózgelerden úzdik shyǵyp, jeńimpaz atandy.
«Ujymnyń ortaq sheshimimen aqshany jumsamaı, kishkentaı balalarǵa syı jasaýdy uıǵardyq. Bul qarjy olardyń oıynshyǵy, jórgegi, qajetti zattaryna jumsalady»,- dedi Qarǵaly qalalyq aýrýhanasynyń bas dárigeri Altynbek Jańabaev.