Aqtóbelik áıel páter jaldap, teris aǵymdy nasıhattap kelgen
Jyl basynan beri polıtsııa qyzmetkerleri destrýktıvti dinı aǵymdy nasıhattap júrgenderge qatysty 6 qylmystyq is qozǵap, 8 ákimshilik quqyqbuzýshylyqty anyqtady.
«Teris dinı aǵymdardy jaqtaýshylar qarýdy zańsyz saqtaý, densaýlyqqa aýyr zııan keltirý jáne t. b. qylmystar jasady. Máselen 55 jastaǵy áıel páterdi jalǵa alyp, onda ýaǵyz júrgizdi. Aqtóbe qalasynyń mamandandyrylǵan ákimshilik sotynyń qaýlysymen oǵan 265 myń teńge kóleminde aıyppul salyndy. Al 30 jastaǵy er adamnan dinı sıpattaǵy tyıym salynǵan ádebıetter alynyp, ákimshilik jaýapqa tartyldy. Oǵan 176 myń teńge kóleminde aıyppul salyndy. Adamdar tyıym salynǵan aýdıo jáne beıne jazbalardy áleýmettik jelilerden kóshirip, saqtap, taratady. Bul úshin qoldanystaǵy zańnamada jaýapkershilik kózdelgen. Barlyǵy 4 adam ákimshilik jaýapqa tartylyp, 53 myń teńge aıyppul tóledi», - dedi oblystyq PD baspasóz qyzmetiniń jetekshisi Erbolat Sarqulov.