Aqtóbelik ákimder áleýmettik jelimen jumys isteýdi úırenýde
QR Prezıdenti janyndaǵy Memlekettik basqarý akademııasynyń oblystyq fılıaly aýdan ákimderi men basqarma basshylaryna arnalǵan «Óńirlik damýdy transformatsııalaý» taqyrybynda semınar ótkizip jatyr. Úsh kúndik semınar kezinde basshylar áleýmettik jelimen, BAQ-men jumys isteý týraly úırendi.
«Elimiz boıynsha áleýmettik jelimen, BAQ-pen jumys isteý, baılanys tetigin meńgerýdi birinshi bolyp Aqtóbe oblysynyń ákimderi men basqarma basshylary úırenip jatyr. Memleket basshysy Qasym-Jomart Toqaev ótken aptada Memlekettik basqarý akademııasyna arnaıy kýrs ádistemesin jasap, oqytýdy tapsyrdy. Aýdan, aýyl ákimderi men oblys basshylyǵy, onyń orynbasarlary, basqarma basshylaryn qamtý josparlanǵan. ıAǵnı, top-menedjerler áleýmettik jeli arqyly halyqpen aralasyp, olarǵa jaqyn bolýy tıis. Ótken aptada memlekettik organdardyń baspasóz hatshylary biliktiligin arttyrdy. ıAǵnı, Prezıdent ákimshiligi, mınıstrlerdiń baspasóz hatshylary kommýnıkatsııalyq menedjmentti meńgerdi. Barlyǵy 16 saǵatqa arnalǵan ádisteme boıynsha barlyq óńirde semınar-trenıng ótedi», - medıa trener Aqerke Berlibaı.
Memlekettik basqarý akademııasy ákimder men basqarma basshylarynyń áleýmettik jelidegi jumysyna monıtorıng jasaǵan. Qazir elimiz boıynsha oblys, qala, aýdan ákimderiniń áleýmettik jelide paraqshalary bar. Biraq kóbi óz paraqshasyn júrgizbeıdi.
«Bir basqarma jelige jazba qaldyryp, oblys ákimin tegtep qoısa, ol jazda avtomatty túrde ákimniń paraqshasynda shyǵyp turady. Aqtóbe oblysyna keler bolsaq, 2 ákim óz paraqshasyn júrgizedi. Olar: Aqtóbe qalasynyń ákimi Іlııas Ispanov pen Temir aýdanynyń ákimi Joldas Qalmaǵambetov. Negizi ákimder áleýmettik jelide ózi otyryp, suraqtarǵa da óz atynan jaýap berýi tıis. Keıbir paraqshada press relız salynyp tur. Bul durys emes. Eger suraq kóp bolsa, kómekke baspasóz hatshylary keledi. Sondyqtan da semınarǵa baspasóz hatshysy men basshylar qatar shaqyryldy. Qıyndyǵy - ákim men baspasóz hatshysy bir jazbany shyǵarý úshin 5-6 saǵat kelisem jasaýy múmkin. Jazba resmı emes, qarapaıym tilmen jazylýy tıis», - dedi Aqerke Berlibaı.
Áleýmettik jelide belsendilik tanytyp júrgen Temir aýdanynyń ákimi Joldas Qalmaǵambetov kúnine 10-12 aryz, ótinishti qabyldap, bárine ózi jaýap beredi. Ákim ózin aýdannyń pıarşıgimen dep esepteıdi.
«Aýdan jastarynyń óz otbasym, turmys-tirshiligim týraly bilgisi keletinin baıqadym. Sol sebepten akkaýntty qyzmettik jáne jeke paraqsham retinde qoldanamyn. Áleýmettik jeli tek jańalyq jarshysy emes. Sondyqtan aqyn-jazýshy, saıasatkerlerdiń qanatty sózderin jazyp otyramyn. Temir aýdanynyń ákimi bolyp taǵaıyndalǵan kezde jaqsy jańalyqtarmen bólise bastaǵan edim. Bir turǵyn «Temir aýdanynyń pıarşıgi» dep kommentarıı qaldyrǵan. Osy kóz qanat jaıyp ketti. Iıa, men Temir aýdanynyń pıarşıgimin. Ony jasyrmaımyn», - dedi Joldas Qalmaǵambetov.