Aqtóbelik ákim ardagerge aýyr sóz aıtqany úshin tártiptik jazaǵa tartyldy
Abaı aýylynyń ákimi Álibek Mustafınniń isi búgin Ádep keńesinde qaraldy. Buǵan deıin habarlaǵandaı, ákim men ardager arasyndaǵy kelispeýshilik sotqa jetti.
Hromtaý aýdandyq soty Ákimshilik quqyqbuzýshylyq týraly kodekstiń 434-baby, 1-bólimi boıynsha Abaı aýylynyń ákimi Abaı Mustafınge qatysty isti qarady.
Іs materıalyna súıensek, 2019 jyldyń 9 mamyry kúni saǵat 10:20-da Abaı aýylynyń ákimi Á.Mustafın Ardager kóshesinde ornalasqan soǵys ardagerlerine arnalǵan eskertkish mańynda, ıaǵnı, qoǵamdyq orynda I.Arjıntti balaǵattap, qoǵamdyq tártipti buzǵan.
«Ardagermin» dep aıtqan kezde «ardager emessiz» dep aıttym. Sol kezde ar-namysyma tıetin sózder aıtty. Men de «ket, qury» dedim», - dedi ákim Álibek Mustafın.
Aıta keteıik, Ádep keńesi memlekettik qyzmetkerdiń bul isi qate ekenin aıtyp, qatań sógis berdi.