Aqtóbege Pfizer vaktsınasy kelesi aptada jetkiziledi

AQTÓBE. QazAqparat – Aqtóbede 93 myńnan astam bala men júkti áıel, balasyn emizetin kelinshek vaktsınatsııalaýǵa jatady. Qazirgi kezde mektepte jáne emhanada vaktsınatsııalaý jumystaryna daıyndyq pysyqtalyp jatyr, dep habarlaıdy QazAqparat tilshisi.

Aqtóbe oblysyna Pfizer vaktsınasy kelisi aptada jetkiziledi. Oblystyq densaýlyq saqtaý basqarmasy basshysynyń orynbasary Aıgúl Kúshtaevanyń aıtýynsha, Ana men bala densaýlyǵyn qorǵaý ortalyǵynyń bazasyndaǵy ortalyq qoımaǵa 2 muzdatqysh kamera ákelindi.

«Vaktsınatsııalaýǵa 12 jáne odan joǵary jastaǵy jasóspirimder, júkti áıelder, laktatsııa kezeńindegi áıelder jatady. 12 jastan 18 jasqa deıingi jasóspirimderdi vaktsınatsııalaýdy bilim berý uıymdarynyń egý kabınetterinde júrgizý josparlanyp otyr. Ata-analarynyń nemese zańdy ókilderiniń qalaýy boıynsha jasóspirimder medıtsınalyq uıymnyń egý pýnktterinde egilýi múmkin. Vaktsınatsııa júrgizer aldynda koronavırýsqa KVI men antıdenelerdiń bolýyna tekserý júrgizilmeıdi», - dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.

Aıta keteıik, Aqtóbe oblysy boıynsha 93 myńnan astam adamdy Pfizer vaktsınasymen egý josparlanǵan. Onyń 70 myńnan astamy bala.