Aqtóbege BQO-dan jetkizilgen kıiktiń 800 bas ushasy keri qaıtaryldy

<p>Aqtóbe qalasyna Batys Qazaqstan oblysynan jetkizilgen 800 bas kıik ushasy et kombınatyna ótkizý úshin jiberilgen. Túrli sebepke baılanysty bári bir túnde keri qaıtaryldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Áleýmettik jelilerde kıik etiniń kelisi 1500 teńgeden satylatyny týraly aqparat tarap ketti. Onda kólikke tıelip jatqan kıik ushasyn kórýge bolady. Tipti terisi sypyrylmaǵan.

Aqtóbe oblysy boıynsha orman sharýashylyǵy jáne janýarlar dúnıesi aýmaqtyq ınspektsııasynyń basshysy Ádilkereı Áýelbaevtyń aıtýynsha, Batys Qazaqstan oblysynda aqbókenderdi atýǵa ruqsat berilgen. Aqtóbe oblysy bul tizimde joq.

- BQO atylǵan kıikterdi jaqyn oblystarǵa, ondaǵy et óńdeıtin kombınattarǵa jibergen. Alaıda Aqtóbedegi et kombınattary aqbókenderdiń ushasyn óńdeı almaıtyndyqtan, júk kóligi keıin qaıtaryldy. Kıiktiń etin tek et óńdeý kombınattaryna tapsyrýǵa bolady, bazarlarda satý zańmen tyıym salynǵan. Al foto 1,5 aı buryn túsirilgen. Áleýmettik jelidegi jazbaǵa taqyrypqa saı qoldanylǵan,- dep aqparat taratty Aqtóbe oblysy ákiminiń baspasóz qyzmeti.

Al Aýyl sharýashylyǵy mınıstrligi Veterınparııalyq baqylaý jáne qadaǵalaý komıtetiniń Aqtóbe oblystyq aýmaqtyq ınspektsııasy basshysynyń orynbasary Ýbaıdolla Aýelbaevtyń aıtýynsha, Aqtóbe qalasyna kórshiles Batys Qazaqstan oblysynan 800 bastaı kıik ákelindi.

- Olardy soıǵyzý úshin kelisimshartqa otyrǵan mal soıý obektileriniń biri eseptik nómirin almaǵan, ıaǵnı, áli iske qosylmaǵan obekt. Ekinshisiniń veterınarlyq-sanıtarlyq saraptama ótkizýge lıtsenzııasy joq. Etti qaıta óńdeıtin kásiporyn arasynda baǵa kelisimi bolmaǵan soń kıikterdiń ushasyn Batys Qazaqstan oblysyna alyp ketti,- dep habarlady Aqtóbe oblysy ákiminiń baspasóz qyzmeti.