Aqtóbedegi joǵary oqý ornynda «Abaıtaný» kýrsy engizildi
Abaıdyń 175 jyldyǵyna arnalǵan shara S.Báıishev atyndaǵy Aqtóbe ýnıversıtetinde 2019 jyldan beri ótkizilip keledi. Stýdentter óleńderin, qara sózderin jattady.
«Abaı muralaryn, bolmysyn tanytý maqsatynda dáris tsıkli daıyndaldy. HІH ǵasyrda aıtylǵan oıdyń HHІ ǵasyrdaǵy kórinisi, sabaqtastyǵy stýdentterge jetkiziledi. Sonymen qatar «Abaıtaný» kýrsy barlyq fakýltette ótedi. Ár qazaq mamandyǵyna qaramastan Abaıdy bilýi qajet. Ulttyq patrıotızmdi damytý paryzymyz ári Abaı ortalyǵyn ashýdy josparlap otyrmyz», - dedi S.Báıishev ýnıversıteti «Rýhanı jańǵyrý» ortalyǵynyń dırektory Muhtar Mırov.
Ǵalymdar «Abaıtaný» páninen sabaq beretin oqytýshylar stýdentter úshin Abaıdy túsiný, uǵý ózin tanýǵa kómektesedi degen oıda.
«Abaıdyń ýaqyty HІH ǵasyrdyń ekinshi jartysy. Ol halyqtyń kemshilikterin synap, elin alǵa súıregen adam. Sol zamanda da halyqqa Abaı kerek boldy. Qazirgi ýaqytta Abaı asa qajet. Uly aqyn «mal izdeme, bilim izde, ǵylym izde» deıdi. Qazir oqıdy, bilimi bar, biraq oıy nege taıaz? Bilim tek dıplom, qaǵazben ólshenbeıdi. Adamgershilik, qazaqtyń ulttyq qundylyqtaryn saqtaý jóninen kóp kemshilik bar. Osy tusta Memleket basshysy Qasym – Jomart Toqaevtyń maqalasy izdegenge suraǵan boldy dep oılaımyn. Ózim «Abaıtaný» páninen sabaq beremin. Abaıdyń 175, Qudaıbergen Jubanovtyń 120 jyldyǵy aıasyna stýdentter úlken sharalarǵa qatysyp jatyr. Qudaıbergen Jubanovtyń «Abaı - qazaq ádebıetiniń klassıgi» degen aıaqtalmaǵan týyndysy bar. Muny da stýdentterge jan-jaqty jetkizemiz», - dedi fılologııa ǵylymdarynyń doktory, professor Baıan Borash.