Aqtóbedegi terakt terrorızmmen kúreste halyqaralyq kúsh-jigerdi nyǵaıtýdyń mańyzdylyǵyn kórsetti - E. Ydyrysov
«Esh jazyqsyz azamattarymyzdyń ómirin qıǵan, adamshylyqtan ada bul qylmys, bizdiń barshamyzǵa ortaq shańyraǵymyzdaǵy beıbitshilik pen kelisim qundylyǵyn aıryqsha qatań saqtap, aldaǵy keleshekte kúsh qoldaný men zorlyq-zombylyqqa jol bermeıtin úılesimdi qoǵam qurýǵa baǵyttalǵan birlesken kúsh-jigerimizdi arttyrý qajettigin eske salyp otyr. Aqtóbedegi terakt sondaı-aq, terrorzm jáne ekstremızmmen kúrestegi halyqaralyq kúsh-jigerdi nyǵaıtýdyń, dindi burmalap, ony qylmystyq maqsattarǵa qol jetkizý úshin paıdalanýǵa qarsy álemdik qaýymdastyqtyń birlese ári belsene kúresý qajettigin tanytty. Dál osy máseleni Qazaqstan Prezıdenti N. Nazarbaev udaıy kóterip, ol úshin Jahandyq terrorızmge qarsy koalıtsııa qurý sekildi naqty bastamalardy ilgeriletip keledi», - delingen mınıstr blogynda.
Sonymen qatar, E. Ydyrysov qara jamylǵan qazaqstandyqtar otbasyna kóńil aıtyp, Qazaqstan halqy men memleketine qoldaý bildirip jatqan álemniń túkpir-túkpirindegi áriptesterge rızashylyǵyn bildiredi. «Biz beıbitshilik pen barlyq halyqtardyń turaqty damýy úshin ózara yntymaqtastyǵymyzdy odan ári nyǵaıtýǵa nıettimiz», - delingen mınıstr blogyndaǵy jazbada.