Aqtóbedegi tasjolda 11 kólik soǵylyp qaldy
Aqtóbe oblysynda qazir birneshe baǵytta jol jabyldy. Olar Samara - Shymkent tasjolynyń Marjanbulaq aýylynan BQO aýmaǵyna deıingi bóligi, Bekqul baba - Qaraburaq aýyldarynyń aralyǵy.
Sonymen birge Aqtóbe - Orsk, Aqtóbe - Orynbor trassasynda da boran kúsheıdi. Aqtóbe - Atyraý baǵytynda da kólik qatynasyna shekteý qoıyldy. Samara - Shymkent tasjolynyń Marjanbulaq aýyly mańynda 11 avtokólik soqtyǵysty.
«Boljam boıynsha boran saldarynan jol múlde kórinbeı qalǵan. Adamdar aman, alaıda kólikter búlindi. Aqtóbe oblysynyń polıtseıleri jol qozǵalysy kezinde jyldamdyqty, araqashyqtyqty saqtaýdy eskertedi. Kóktaıǵaq kezinde kólik quraldarynyń júrgizýshileri kenetten manevr jasamaýy tıis. Al, jaıaý júrginshiler joldan ótý kezinde jaqyn mańda avtokóliktiń joq ekenine kóz jetkizýi kerek. Qazirgi ýaqytta Aqtóbe oblysyndaǵy barlyq avtojoldar jabyq», - dedi oblystyq PD baspasóz qyzmetiniń jetekshisi Erbolat Sarqulov.
Eske salsaq, keshe Aqtóbede Mitsubishi Montero Sport avtokóliginiń júrgizýshisi Samara - Shymkent avtojolynyń 938-shaqyrymynda qarsy qozǵalysqa arnalǵan jolaqqa shyǵyp, Volvo júk kóligimen soqtyǵysty. Saldarynan Mitsubishi avtokóliginiń júrgizýshisi, 29 jastaǵy áıel Áıteke bı aýdanynyń aýrýhanasyna jatqyzyldy. Onyń 31 jastaǵy jubaıy jáne 2017, 2015 jáne 2020 jyly týǵan úsh balasy oqıǵa ornynda kóz jumdy.
Vıdeodan alynǵan kadr/ t.me/POLICE_of_KZ