Aqtóbedegi shoshqa fermasyna aǵyn sýdy shyǵarýǵa tyıym salyndy

AQTÓBE. QazAqparat – Aqtóbede «Parıjskaıa kommýna-XXI» jaýapkershiligi shekteýli seriktestiginiń birneshe bóliginde jumys ýaqytsha toqtady, dep habarlaıdy QazAqparat tilshisi.

Aqtóbe oblysynyń ekonomıkalyq sotynda oblystyq ekologııa departamentiniń talap aryzy qaraldy.

Aryzda «Parıjskaıa kommýna-XXI» JShS sharýashylyq júrgizý qyzmetin toqtatý, qorshaǵan ortaǵa emıssııa ruqsatynan jáne memlekettik ekologııalyq saraptamanyń oń qorytyndysynan aıyrý týraly azamattyq isteri qaraldy.

Іs materıalyna súıensek, ótken jyldyń jeltoqsan aıynda Alǵa aýdany, Bestamaq aýyly turǵyndarynyń aryzy negizinde oblystyq ekologııa departamenti tekserý júrgizdi.

Nátıjesinde óndiristik aǵyn sýlardyń jer bederine aqqany, tazartý qurylǵylarynyń aýmaǵynda EKO B-500 jabdyǵy jáne ÝF zararsyzdandyrý qudyǵynyń bolmaǵany anyqtaldy.

Bıologııalyq qaldyqtar qoımasynyń aýmaǵy qorshalmaǵan. Qorshaǵan ortany qorǵaıtyn beton qudyq joq.

Sonymen birge shoshqa sany ferma qýatynan asyp tústi.

ıAǵnı, jobaǵa sáıkes 40 000 bas bolýy qajet. 2018 jyly mal sany - 50 615, 2019 jyly - 51 095, 2020 jyly - 51 978 bas bolǵan.

«Seriktestik memlekettik ekologııalyq saraptamanyń qorytyndysyndaǵy talaptardy saqtamaǵan. Sot sheshimimen oblystyq ekologııalyq departamenttiń talaptary qanaǵattandyryldy. Óndiristik aǵyn sýlardy saqtaý qoımalaryna jáne jer bederine jiberý, bıologııalyq qaldyqtardy saqtaý qoımasyn paıdalaný bóligindegi buzýshylyqtar qalpyna kelgenge deıin fermadaǵy jumys ýaqytsha toqtatyldy. Sonymen birge jaýapker qorshaǵan ortaǵa emıssııa ruqsatynan aıyryldy jáne memlekettik ekologııalyq saraptamanyń oń qorytyndysy joıyldy. Sot sheshimi zańdy kúshine engen joq», - dep habarlady Aqtóbe oblysy mamandandyrylǵan aýdanaralyq ekonomıkalyq sotynyń baspasóz qyzmeti.

Aıta keteıik, buǵan deıin sharýashylyqtaǵy zańsyzdyqtarǵa baılanysty shoshqa fermasyna 7 mlrd teńge aıyppul salyndy.