Aqtóbedegi shirkeýden qaıyrymdylyq qorapshasyn urlaǵandar ustaldy

AQTÓBE. QazAqparat - Aqtóbelik polıtseıler táýlik ishinde shirkeýdegi qaıyrymdylyq qorapshasynyń urlyǵyna qatysty qylmysty ashty, dep habarlaıdy QazAqparat.

Osyǵan deıin 3 tamyz kúni saǵat 15:00 shamasynda Mámetova kóshesindegi Áýlıe-Nıkolaı soborynyń shirkeýinde belgisiz adamdar úı-jaıǵa kirip, qaıyrymdylyq qorabyn syndyryp, 20 myń teńgege jýyq aqsha urlap ketkeni týraly habarlanǵan edi.

«Polıtsııa qyzmetkerleri dereý oqıǵa ornyna baryp, aýmaqty tekserdi jáne kýágerlerden jaýap aldy. Tártip saqshylary shirkeýde ornatylǵan beınekameralardyń kómegimen táýlik ishinde kúdiktiniń jeke basyn anyqtap, Muǵaljar aýdanynyń 30 jastaǵy turǵynyn ustady», - dep jazdy ІІM-nen.

QR QK 188- baby boıynsha sotqa deıingi tergeý jumystary bastaldy. Sondaı-aq ustalǵan adamnyń basqa da osyǵan uqsas qylmystarǵa qatysy bar-joǵy tekserilýde.