Aqtóbedegi kóliktiń 32 paıyzy suıytylǵan gazben júredi
Aqtóbe oblysynyń aýasyn «SNPS-Aqtóbemunaıgaz» AQ, «QazaqOıl» JShS men «Qazhrom» TUK» AQ, «InterGaz» AQ sekildi munaı-gaz ben hrom zaýyttary lastap otyr. Bul kompanııalardyń úlesi 60 paıyzdan asqan. Al aýany lastaıtyn kólikterdiń paıyzdyq úlesi 36-ǵa jetti. Endigi jumys -kólikterdi jappaı suıytylǵan gazǵa aýystyrý.
«Bılik jaǵynan talap bolýy kerek. Ekologııa departamenti men prokýratýra, oblystyq ishki ister departamenti jumysty qolǵa alýy tıis. Eger bizdiń aýamyzdy avtokólik lastasa, olarǵa túsindirgen abzal. Bizde gaz bar, gaz quıý beketi jetkilikti. Tipti, qoǵamdyq kólikter aýany lastap, dızeldi otynmen júredi, bul masqara. Solardyń bárin aýystyrý kerek»,- dedi oblys ákimi Berdibek Saparbaev.
Óńirde tirkelgen barlyq avtokólikter sany 194 myń bolsa, sonyń 32 paıyzy ǵana gazben júredi. Onda da memlekettik mekemelerdiń qyzmettik kólikteri esebinen byltyr paıyzdyq úles 12-ge ósti. Oblysta memleket menshigindegi qyzmettik kólikter 100 paıyz gazben júredi.Qoǵamdyq tasymalmen aınalysatyn «Avtopark» JShS-i ákimdik mindetin oryndaýǵa asyǵar emes. Paıyzdyq úles 35-ke endi jetti. Al «Aqtóbe qalalyq jolaýshylar avtokóligi tasymaly» memlekettik kásiporny avtobýstyń 92 paıyzyn gazben júretin etip qondyrǵy ornatty.
«Suıytylǵan gazben júretin avtokólikter sanynyń artýyna baılanysty bıyl shyǵyn shamamen 10 myń tonnaǵa azaıady. Al ilespe gazdy zalalsyzdandyrý jumysy ári qaraı jalǵasady. Gazdy atmosferada jaǵyp otyrǵan SNPS-Aqtóbemunaıgaz» AQ, «QazaqOıl» JShS jyl saıyn onyń kólemin azaıtyp keledi. Ótken jyly ilespe munaı gazyn zalalsyzdandyrý kólemi 6,1 mıllıard tekshe metrdi qurady. Al 384 mıllıon teńge metr gaz fakelderde jaǵyldy»,- dedi oblystyq ekologııa departamentiniń basshysy Jaqsyǵalı Imanqulov.