Aqtóbedegi ken orynda taǵy da apat bolyp, jumysshy zardap shekti

AQTÓBE. QazAqparat – Hromtaý aýdanyndaǵy Dóń ken baıytý kombınatynda jumysshy aýyr jaralandy, dep habarlaıdy QazAqparat tilshisi.

Dóń ken baıytý kombınatynyń 28 jastaǵy jumysshysy jaralanyp, aýrýhanaǵa tústi. Aqtóbe oblystyq eńbek ınspektsııasy basqarmasy basshysynyń orynbasary Talǵat Iskarınniń habarlaýynsha, taý-ken sheberi sý nasosyn teksergen. Sol kezde nasos birneshe bólikke bólinip, jumysshynyń aıaǵy men qolyna zaqym keldi. Ony aldymen Hromtaý aýdandyq aýrýhanaǵasyna jetkizgenimen, keıin oblystyq jedel medıtsınalyq járdem aýrýhanasyna tasymaldandy. Emdeý ornynda ota jasaldy.

«Aıaǵy synyp, jilinshigine zaqym kelgen. Ashyq jarasy bar. Qolynyń saýsaqtary da synǵan. Jaǵdaıy ortasha aýyr. Qazirgi kezde travmatologııa bóliminde em qabyldap jatyr», - dep habarlady oblystyq densaýlyq saqtaý basqarmasy.

Aıta keteıik, buǵan deıin Aqtóbedegi altyn óndiretin ken ornynda bir jumysshy qaza boldy. Osy oqıǵaǵa baılanysty oblystyq eńbek ınspektsııasy basqarmasy tekserý júrgizip jatyr.