Aqtóbedegi iri aınalma joldardyń qurylysy qarqyndy júrgizilýde
Oblys ákimi Ońdasyn Orazalın jol qurylysy men ınvestıtsııalyq jobalardyń qarady. Óńir basshysy aldymen «Aqtóbe-Qandyaǵash» avtokólik jolyn qalpyna keltirý barysymen tanysty. Qalpyna keltirý jumystary joldyń 11- 52 shaqyrym aralyǵynda jáne 52 shaqyrymnan Qandyaǵash qalasyna deıingi eki ýchaskede júrgizilip jatyr.
«Búginde alǵashqy úsh shaqyrymdaǵy jumys aıaqtaldy. Biz qazirdiń ózinde 19 shaqyrymǵa deıin asfalt tóseýdi bastadyq jáne kelesi aptanyń sońyna deıin aıaqtaýdy josparlap otyrmyz», - dedi «QazAvtoJol» UK» AQ Aqtóbe fılıalynyń basshysy Marat Mahambetov.
Joba aýqymdy. Joldy tórt jolaqqa deıin keńeıtý josparlandy. Kópirler, mal ótetin joldar men temirjol arqyly ótetin jol salý qarastyrylǵan. Degenmen, bıyl joǵary sapaly jol tósemi avtokólik júrgizýshilerine qoljetimdi bolady.
Oblys ákiminiń tapsyrmasyna sáıkes, Aqtóbe-Atyraý tasjolynyń Aqtóbe qalasynan Bestamaq aýylyna deıingi aralyqtaǵy eki jolaq tamyzdyń ortasyna deıin aıaqtalyp, kúzde Qandyaǵashqa deıingi jolaq ashylýy tıis.
Sonymen birge Aqtóbe qalasynyń Ońtústik aınalma jolyn qalpyna keltirý jumystary qarqyndy júrgizilip jatyr. Jumys barysymen tanysqan óńir basshysy birqatar tapsyrma berdi.
«Jol azamattardyń narazylyǵyn týdyrýda. Ótken jyly merdiger jaýapkershiliginiń tómendiginen jumys toqtap qalsa, bıyl jaýyn-shashynnan keıin jumys qaıta jandanyp, joǵary qarqynmen júrip jatyr. Eń aldymen, osy aıdyń sońyna deıin ıAsnoe aýylynyń mańyndaǵy jol qurylysy aıaqtalyp, kólik qozǵalysy qalpyna kelýi tıis. Kúzge qaraı asfalt tóseý jumystary tolyǵymen aıaqtalýy kerek. Bul jerde qarjyǵa baılanysty suraqtar joq. Jumys kestesiniń saqtalýyn turaqty baqylap otyrýdy qamtamasyz etińiz»,- dedi oblys ákimi jolaýshylar kóligi jáne avtomobıl joldary basqarmasynyń basshysy Aıbek Qaıyrǵa qarata aıtqan sózinde.
Taǵy bir mańyzdy jol jobasy – batys aınalma jolynyń qurylysy. Uzyndyǵy 8,3 shaqyrym bolatyn jol Samara-Shymkent jáne Aqtóbe-Mártók-RF shekarasy tas jolyn qosady. Oblys ákimi bul jobany júzege asyrýdyń mańyzyna toqtalyp, burynnan pisip-jetilgenin atap ótti. Batys aınalma joly aýyr júk kólikteriniń qalaǵa kirmeýine jáne tikeleı ónerkásip aımaǵyna ótýine múmkindik beredi. Jobany kelesi jyly aıaqtaý josparlanǵan.
Qalanyń ósip, damýyna baılanysty Aqtóbede Táýelsizdik dańǵylyn 8 jolaqqa deıin keńeıtý jumystary bastaldy. Sondaı-aq M. Shoqaı kóshesi 6 jolaqqa deıin keńeıtiledi. Oblys ákimi Táýelsizdik dańǵylyndaǵy jóndeý jumystarynyń barysyn qarap shyǵyp, jumysty qolaısyzdyq týdyrmaı, kezeń-kezeńmen júrgizýdi tapsyrdy.
Shilde aıynyń sońyna deıin Á.Moldaǵulova dańǵylynan M. Shoqaı kóshesine deıingi ýchaskede qozǵalys ashylady dep josparlanǵan. Osydan keıin «Assana-DorStroı» JShS merdigerlik uıymy M.Shoqaı kóshesin qalpyna keltirýge kirisedi. Bul kóshe oblys ákiminiń tapsyrmasyna sáıkes oqý jyly bastalǵanǵa deıin ashylýy tıis. Joba boıynsha Táýelsizdik dańǵylyn qalpyna keltirý jumystary kelesi jyly tolyq aıaqtalady.