Aqtóbedegi gaz quıý beketinde kezek kóbeıdi
Aqtóbe qalasyndaǵy gaz quıý beketterinde júrgizýshiler 30 mınýt, keıde saǵat boıy kezek kútýge májbúr.
Suıytylǵan otyn tapshylyǵy máselesi osy aptada anyq sezildi.
Qala turǵyny Artýr Shorınniń aıtýynsha, búgin ol 30 mınýt boıy kezek kútti. Bul jaǵdaıdyń bastalǵanyna bir apta bolǵan.
Al Aqtóbe oblysy ákiminiń baspasóz qyzmetiniń habarlaýynsha, gaz bar, biraq jetkizý jumystary endi bastalǵan.
«Bıyl tamyz aıynda QR Energetıka mınıstrligi Aqtóbe oblysyna 12 394 tonna suıytylǵan munaı gazyn bóldi. 1 tamyzdan bastap osy kúnge deıin óńir qajettiligi úshin úsh óndirýshi zaýyttan 463 tonna suıytylǵan munaı gazy jetkizilgen. Budan basqa, «SNPS-Aqtóbemunaıgaz» AQ zaýytynda qazirgi ýaqytta jalpy kólemi 1 116 tonna suıytylǵan munaı gazy bar 31 vagon-tsısterna jóneltilýge daıyn. Ónim oblystyń avtogaz quıý stantsııalaryna jetkiziledi. Óndirýshi zaýyttardyń aqparatyna sáıkes, suıyltylǵan munaı gazyn jóneltý bekitilgen kesteler boıynsha júrgiziledi. Bul másele – oblys basshylyǵynyń baqylaýynda«,- dep habarlady Aqtóbe oblysy ákiminiń baspasóz qyzmeti.