Aqtóbedegi avtobýstyń órtenýine kúdikti Ózbekstannan ekstradıtsııalandy
15:03, 26 Jeltoqsan 2018
ASTANA. QazAqparat - Búgin Qazaqstannyń Bas prokýratýrasy men ІІM qyzmetkerleri qylmystyq jaýapqa tartý úshin Ózbekstannan Ordýhan Mehtıevti ekstradıtsııalady. Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.
Ustalǵan adamǵa aǵymdaǵy jyldyń qańtar aıynda Aqtóbe oblysynda kólik quralynyń órtenýine jáne 52 adamnyń qaza tabýyna ákep soqtyrǵan tehnıkalyq aqaýy bar avtobýsty zańsyz paıdalanǵan dep kúdik keltirilip otyr.
Qylmys jasaǵannan keıin kúdikti kórshi memlekettiń aýmaǵynda jasyrynyp júrgen, osyǵan baılanysty oǵan halyqaralyq izdeý jarııalandy.
Búgingi kúni Mehtıev Shymkent qalasyndaǵy tergeý ızolıatorynda jatyr.