Aqtóbedegi altyn ken ornynda jumysshy kóz jumdy
19:18, 20 Jeltoqsan 2022
AQTÓBE. QazAqparat - Aqtóbe oblysy Muǵaljar aýdanyndaǵy altyn óndiretin ken ornynda jumysshy kóz jumdy, dep habarlaıdy QazAqparat tilshisi.
Qaıǵyly oqıǵa jaıly Aqtóbe oblystyq eńbek ınspektsııasy basqarmasy basshysynyń orynbasary Talǵat Iskarın habarlady. Onyń aıtýynsha, oqıǵa «AltynEx Company» kompanııasynda bolǵan.
«Qaıǵyly jaǵdaı búgin boldy. Muǵaljar aýdanynda ornalasqan altyn ken ornyndaǵy shahtada 48 jastaǵy energetık kóz jumdy. Qazir mán-jaı anyqtalyp jatyr. Energetık shahtanyń jeldetkeshi mańynda otyryp, kabeldi montajdaý jumysyn atqarǵan. Al júk kóliginiń júrgizýshisi ony kórmeı qalǵan»,- dedi Talǵat Iskarın.
Tergeý júrip jatyr.
Foto: shutterstock.com