Aqtóbedegi úleskerler máselesin sheshý úshin jańa ýákiletti organ qurylady

<p>Aqtóbe oblysynyń ákimdigi óńirdegi úleskerler máselesin sheshý úshin jańa ýákiletti organ qurmaqshy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Ortalyq kommýnıkatsııalar qyzmetinde ótken brıfıngide óńir ákimi Ashat Shaharov osyndaı málimet aıtty.

«Óńirimizde áleýmettik turǵyn úıge erekshe kóńil bólinip otyr. Máselen, jyl sońyna deıin bıýdjet esebinen 974 páterdi paıdalanýǵa berý josparlanǵan. Sonymen qatar halyqtyń áleýmettik osal toptary men kópbalaly otbasylar úshin 360 daıyn páter satyp alý josparlanǵan», - dedi oblys basshysy.

Onyń sózinshe, oblysta úleskerler máselesi sheshimin tappaı keledi.

«Aqtóbede barlyǵy 11 turǵyn úıdiń qurylysy keshiktirilip, oǵan 540 úleskerden 3,5 mlrd teńge ınvestıtsııa tartylǵan. Osyǵan oraı «jol kartasy» ázirlenip, qıyn jaǵdaıǵa tap bolǵan azamattarǵa kómek kórsetý baǵytynda jumys júrip jatyr. Turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy boıynsha, úleskerler máselesin júıeli sheshý úshin Aqtóbe qalasy ákimdiginiń janynan ýákiletti uıym qurylady. Bul osynda máselege tap bolǵan azamattardyń quqyǵyn qorǵaýǵa múmkindik beredi», - dedi Ashat Shaharov.