Aqtóbedegi ortalyq bazar aýmaǵynan jańa týǵan shaqalaq tabyldy

<p>29 qyrkúıekte jedel basqarý ortalyǵynyń 102 pýltine Aqtóbedegi ortalyq bazar aýdanyndaǵy shaıhanada jańa týǵan bala tabylǵany týraly málimet tústi, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Oqıǵa ornyna kelgen ıývenaldyq polıtsııa bóliminiń qyzmetkerleri tańerteń saǵat 10.00-de beıtanys qyzdyń 3 aptalyq náresteni shaıhanaǵa tastap ketkenin anyqtady. Qyz shaıhanadaǵy áıelge baryp aqsha alyp kelgenshe balaǵa birneshe mınýt qaraı turýyn ótingen. Keshke deıin kútken áıel balany tastap ketken qyz kelmegen soń polıtsııaǵa qońyraý soqqan.

Náreste polıtsııa bólimine jetkizilip, jedel medıtsınalyq brıgada shaqyryldy. Dárigerlerdiń aıtýynsha balanyń jaǵdaıy bir qalypty. Aqtóbe qalasy №3 QPB JPQB ıývenaldy polıtsııa bóliminiń ınspektory Jannýr Abdollaeva balanyń jaıalyqtaryn aýystyryp, tamaqtandyryp, sábıler úıine jetkizdi.

Foto: Polisia.kz

Qazirgi ýaqytta balany tastap ketken áıeldi izdeý boıynsha jedel is-sharalary júrgizilýde.