Aqtóbedegi oqýshynyń óliminen soń qylmystyq is qozǵalyp, saraptama taǵaıyndaldy

<p>Aqtóbe qalasyndaǵy oqýshynyń óliminen keıin qylmystyq is qozǵaldy, dep habarlaıdy <a href="Kazinform." target="_blank" rel="noopener">Kazinform.</a></p>

№27 orta mekteptegi oqýshy óliminen soń polıtsııa qylmystyq is qozǵady. 

«Orta mektepte bolǵan jazataıym oqıǵadan soń Aqtóbe oblystyq Polıtsııa departamenti QR QK 141-baby 1-bóligimen (balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý) sotqa deıingi tergep-tekserý júrgizip jatyr. Qajetti saraptamalar taǵaıyndaldy», - dep habarlady oblystyq PD baspasóz qyzmetiniń jetekshisi Erbolat Sarqulov.

Sonymen birge Aqtóbe oblysynyń prokýrory da qylmystyq isti óz baqylaýyna aldy. 

«Synyptastarynyń túsindirmesi boıynsha Novıkov sabaqqa júgirip kirgende qulap, partaǵa soǵylyp, jaraqat alǵany anyqtaldy. Qazirgi ýaqytta oqıǵa ornynda polıtsııanyń jedel tergeý toby, Aqtóbe qalasynyń prokýrory bardy. Іs boıynsha protsestik prokýror taǵaıyndaldy. Tergeý barysy oblys prokýrorynyń jeke baqylaýyna alyndy», - dedi Aqtóbe oblysy prokýrorynyń kómekshisi Kámshat Sálimgereeva. 

Aıta keteıik, búgin 12 jastaǵy oqýshy mektepte kóz jumdy. Ol ústelge moınyn soǵyp alǵan.