Aqtóbedegi gıdrotehnıkalyq qurylǵylarǵa tekserý júrgizildi

<p>AQTÓBE. KAZINFORM &ndash; Aqtóbedegi 200-den astam gıdrotehnıkalyq qurylǵynyń bári tekserildi. Ondaǵy sý kólemi ázirge 50% aspaıdy.</p>

Aqtóbe oblysy boıynsha qazirgi kezde 206 gıdrotehnıkalyq qurylǵy bar. Onyń 10-y respýblıkalyq, 174-i oblystyq, ózgesi jeke mekshikte. 

- Gıdrotehnıkalyq qurylǵylardyń bárine tekserý júrgizilip, qala, aýdandarda jaýapty adamdar bekitildi. Olar kóktemgi sý tasqyny kezeńi aldynda bárin qarap shyqty. Qazir gıdrotehnıkalyq qurylǵylardyń jaǵdaıy turaqty. Sý kólemderi 50% aspaǵan. 2022-2023 jyldary 6 gıdrotehnıkalyq qurylǵyǵa kúrdeli jóndeý júrgizildi. Buǵan deıin qurylǵylar jaqyn mańdaǵy aýylǵa qaýip tóndirgen bolsa, bıyl bári ózgerdi. Ol mańdaǵy aýyldarda sýǵa ketý qaýpi joq. Soǵan qaramastan arnaıy tehnıkalar kezekshilikke qoıyldy,- dedi Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Jomart Baqytkeldi.

Aqtóbe oblysynda bıyl taǵy 2 gıdrotehnıkalyq qurylǵy jóndeledi. Olar Alǵa jáne Mártók aýdanyndarynda ornalasqan. 

Aıta keteıik, kóktemgi sý tasqynyń aldyn alý úshin óńirde shtab qurylyp, jumysyn bastady.