Aqtóbede júrgizýshi kýáliginen aırylǵan adamnyń kesirinen 4 kólik soqtyǵysty
14:28, 07 Jeltoqsan 2023
<p>7 jeltoqsanda Aqtóbe-Orynbor avtojolynyń Quraıly aýylynyń mańynda ornalasqan Jibek joly janarmaı quıý stantsııasyna qarama-qarsy bette tórt avtokóliktiń qatysýymen jol apaty boldy.</p>
35 jastaǵy Toyota Rav-4 avtokóliginiń júrgizýshisi jol jáne meteorologııalyq jaǵdaılardy eskermeı, VAZ-2115 avtokóligi súırep kele jatqan VAZ-2112 avtokóligimen soqtyǵysqan.
Saldarynan Toyota Rav 4 óziniń qozǵalys baǵytyn ózgertip, qarsy jolaqqa shyǵyp, Toyota Camry avtokóligimen soqtyǵysqan. Toyota RAV 4 jáne Toyota Camry avtokólikteriniń júrgizýshileri aýrýhanaǵa jatqyzyldy.
Polıtsııa qyzmetkerleri Toyota RAV 4 avtokóliginiń jurgizýshisi buryn 7 jylǵa kólik quralyn basqarý quqyǵynan aıyrylǵanyn anyqtady. Endi ol 2 jylǵa deıin bas bostandyǵynan aıyrylýy múmkin.