Qansha bala el ishinde tegin saıahattady

<p>ASTANA. KAZINFORM &ndash; Bıyl Kids Go Free memlekettik baǵdarlamasy aıasynda el ishinde 2172 bala tegin saıahattady.</p>

Týroperatorlar balalar áýe bıletiniń qunyn qospaǵanda, 415,6 mıllıon teńgege týr satqan. Memleket tarapynan 114,5 mıllıon teńge kólemindegi áýe bıletiniń quny óteldi. Bul jalpy satylǵan týrdyń 28%-y.

Baǵdarlama ishki týrızmdi jáne otbasylyq saıahatty damytýǵa baǵyttalǵan. ıAǵnı, qazaqstandyq otbasylarǵa eldiń eń kórkem jáne qyzyqty jerlerin kórip, tanýǵa múmkindik beredi.

Alakól kóliniń jaǵalaýy Kids Go Free baǵdarlamasynyń eń kóp suranysqa ıe baǵyty retinde aldyńǵy qatarda tur. Ótken jylmen salystyrǵanda bıyl Alakólge satylǵan týrlar sany 20%-ǵa ósken. ıAǵnı, bıyl 700-den astam bala Alakólge tegin saıahattaǵan.

Keıingi satyǵa Almaty men Almaty oblysynyń mańyndaǵy aımaqtar ornalasqan. Atalǵan óńirge kelýshiler sany byltyrmen salystyrǵanda 24%-ǵa artqan. Bıyl 330-dan astam otbasy Almaty men Almaty oblysyna saıahattaǵan. Balalar áýe bıletiniń qunyn óteý somasy 41,6 mıllıon teńge bolsa, 135,3 mıllıon teńgege týrlar satylǵan.

Şýche-Býrabaı kýrorttyq aımaǵy men Astana qalasy da Kids Go Free baǵdarlamasynyń eń tanymal baǵyttarynyń biri sanalady. Munda jazǵy jáne qysqy demalysqa suranys joǵary.

Aıta keteıik, 2023 jyly baǵdarlama aıasynda 920 týrǵa ótinim maquldanyp, 1975 bala el ishinde tegin saıahattaǵan.