Aqtóbede júk kóliginiń astyna kirip ketken máshınedegi adam mert boldy
Aqtóbe oblystyq PD baspasóz qyzmetiniń habarlaýynsha, júk kóligi men Toyota Ipsum soqtyǵysqan kezde bir adam kóz jumdy. Taǵy bireýiniń jaǵdaıy beımálim.
— Jeńil kólik ishinde barlyǵy 5 adam bolǵan. Onyń úsheýi jedel járdemmen aýrýhanaǵa jetkizildi, — dedi Aqtóbe oblystyq PD baspasóz qyzmetiniń jetekshisi Erbolat Sarqulov.
Jol-kólik oqıǵasyna qatysty ózge aqparat taratylmady. Áleýmettik jeli arqyly taraǵan vıdeoǵa qaraǵanda jeńil kólik júk kóliginiń astynda qalǵan.
Eske salsaq, 7 tamyz kúni Samara-Shymkent tasjolynda jeńil jáne júk kóligi soqtyǵysyp, 8 adam kóz jumdy. Onyń beseýi bala.
Bári de Mańǵystaý oblysy Túpqaraǵan aýdanynda uıymdastyrylatyn fýtbol týrnırine jolǵa shyqqan.
Osy oqıǵadan keıin jumys toby qurylyp, oǵan oblys ákiminiń orynbasary Joldas Batyrhan basshylyq etti.
Aqtóbe oblysynyń ákimi Ashat Shaharov týǵan-týystaryna kóńil aıtyp, kómek beriletinin jetkizdi.