Aqtóbede joldaǵy kóktaıǵaqta avtobýs pen júk kóligi soqtyǵysty

<p>AQTÓBE. KAZINFORM &mdash; Aqtóbe-Astrahan tas jolynda oblysaralyq avtobýs júk kóligine baryp soqty. Qoǵamdyq kólikte jolaýshy bolmaǵan, júrgizýshi aýrýhanaǵa jetkizildi.</p>

Aqtóbe-Astrahan tas jolynda jol-kólik apaty boldy. Oqıǵa saǵat 9:30 shamasynda tirkelgen. Alǵa aýdanyna qarasty Tamdy aýylynyń mańynda Howa júk kóligi men Yutong markaly avtobýs soqtyǵysty. 

— Jol-kólik oqıǵasy saldarynan avtobýs júrgizýshisi aýrýhanaǵa jetkizildi. Aqtóbe oblysy polıtsııa departamenti aýa raıynyń qolaısyzdyǵy baılanysty jol qozǵalysynyń barlyq qatysýshylaryna barynsha muqııat jáne saq bolýǵa shaqyrady, — dep habarlady oblystyq PD baspasóz qyzmeti.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, oqıǵa ornyna Alǵa aýdandyq aýrýhanasynan jedel járdem brıgadasy barǵan. 59 jastaǵy júrgizýshi jabyq bas-mı jaraqatyn alǵan. 

— Sol jaq qolynda súıegi jarylǵan. Ol Alǵa aýdandyq aýrýhanasyna jatqyzyldy, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti.

Eske salsaq, búgin Aqtóbede qar jaýdy. Qazirgi kezde shınomontajda kezek kóbeıdi.