Aqtóbede jolda qalǵan sheteldikter jylytý beketine jetkizildi

<p>&laquo;Qarabutaq-Qostanaı&raquo; tasjolynyń Taldysaı aýyly mańynda avtobýs istep shyǵyp, 60-qa jýyq jolaýshy evakýatsııalandy. Olar jylytý beketterine ornalastyryldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oqıǵa túnde «Qarabutaq-Qostanaı» tasjolynda boldy. Patrýldik polıtsııa rotasynyń qyzmetkerleri jol jıeginde turǵan jolaýshylar avtobýsyn kórgen. Qatty aıaz kezinde avtobýs isten shyqqan. 

- Avtobýs salonynda 3 qazaqstandyq júrgizýshi, temir ustasy jáne 55 sheteldik jolaýshy boldy. Onyń altaýy bala, tórteýi áıel. Ózbekstan, Tájikstan azamattary Shymkentten Reseıdiń Chelıabınsk qalasyna qaraı baǵyt alǵan. Polıtsııa qyzmetkerleri jergilikti atqarýshy bılik jáne tótenshe jaǵlaılar bóliminiń qyzmetkerlerimen birge jolaýshylardy evakýatsııalady. Er adamdar meshitke, al áıelder kolledj jataqhanasyna ornalastyryldy. Evakýatsııalanǵan adamdardyń arasynda medıtsınalyq kómek alǵandar bolmady, - dedi oblystyq PD baspasóz qyzmetiniń jetekshisi Erbolat Sarqulov.